ഐ​പി​എ​ൽ 2025; സീ​സ​ണി​ലെ ത​ല​തി​രി​ഞ്ഞ 10 നി​യ​മ​ങ്ങ​ൾ

ഐ​പി​എ​ൽ ട്വ​ന്‍റി-20 ക്രി​ക്ക​റ്റി​ന്‍റെ 18-ാം എ​ഡി​ഷ​നി​ലേ​ക്ക് ഇ​നി​യു​ള്ള​തു വെ​റും ര​ണ്ടു​ദി​ന​ങ്ങ​ളു​ടെ അ​ക​ലം മാ​ത്രം. മു​ൻ സീ​സ​ണു​ക​ളെ അ​പേ​ക്ഷി​ച്ച് ത​ല​തി​രി​വു​ള്ള​തെ​ന്നു തോ​ന്നി​പ്പി​ക്കു​ന്ന ചി​ല നി​യ​മ​ങ്ങ​ൾ 2025 സീ​സ​ണി​ൽ ബി​സി​സി​ഐ ഏ​ർ​പ്പെ​ടു​ത്തി​യി​ട്ടു​ണ്ട്. അ​തി​ൽ ഏ​റ്റ​വും ശ്ര​ദ്ധി​ക്ക​പ്പെ​ട്ട​ത് ക​ളി​ക്കാ​ർ ടീം ​ബ​സി​ൽ യാ​ത്ര ചെ​യ്യ​ണ​മെ​ന്നും കു​ടും​ബാം​ഗ​ങ്ങ​ളെ പ്ലെ​യേ​ഴ്സ്, മാ​ച്ച് ഓ​ഫീ​ഷ​ൽ ഏ​രി​യ​യി​ൽ പ്ര​വേ​ശി​പ്പി​ക്ക​രു​തെ​ന്ന​തു​മാ​ണ്.

കു​ടും​ബ​ങ്ങ​ളു​മാ​യി മ​ത്സ​ര​ദി​നം കൃ​ത്യ​മാ​യ അ​ക​ലം പാ​ലി​ക്ക​ണ​മെ​ന്ന നി​യ​മ​ത്തി​നൊ​പ്പം മ​റ്റു​ചി​ല നി​യ​മ​ങ്ങ​ളും ബി​സി​സി​ഐ ഏ​ർ​പ്പെ​ടു​ത്തി​യി​ട്ടു​ണ്ട്. 2025 ഐ​പി​എ​ല്ലി​ലെ ത​ല​തി​രി​ഞ്ഞ നി​യ​മ​ങ്ങ​ൾ ഇ​വ​യാ​ണ്.

ടീം ​ബ​സി​ൽ യാ​ത്ര മ​സ്റ്റ്

പ​രി​ശീ​ല​ന, മ​ത്സ​ര ദി​ന​ങ്ങ​ളി​ൽ ടീം ​ബ​സി​ൽ ആ​യി​രി​ക്ക​ണം എ​ല്ലാ ക​ളി​ക്കാ​രും യാ​ത്ര ചെ​യ്യേ​ണ്ട​ത്. സു​ഹൃ​ത്തു​ക്ക​ൾ​ക്കും കു​ടും​ബ​ങ്ങ​ൾ​ക്കും ക​ളി​ക്കാ​ർ​ക്കൊ​പ്പം യാ​ത്ര ചെ​യ്യാ​ൻ അ​നു​വാ​ദ​മി​ല്ല.
കു​ടും​ബാം​ഗ​ങ്ങ​ൾ​ക്കു പ്ര​വേ​ശ​ന​മി​ല്ല

മു​ൻ​സീ​സ​ണി​ലേ​തു​പോ​ലെ ക​ളി​ക്കാ​രു​ടെ കു​ടും​ബാം​ഗ​ങ്ങ​ൾ​ക്കും സു​ഹൃ​ത്തു​ക്ക​ൾ​ക്കും മ​ത്സ​ര​ത്തി​നു മു​ന്പും ശേ​ഷ​വും പ്ലെ​യേ​ഴ്സ്, മാ​ച്ച് ഒ​ഫീ​ഷ​ൽ​സ് ഏ​രി​യ​യി​ൽ പ്ര​വേ​ശ​ന​മി​ല്ല.

പ​രി​ശീ​ല​ന​ത്തി​നും നി​ബ​ന്ധ​ന

പ​രി​ശീ​ല​ന​ത്തി​നാ​യി ഒ​രു ടീ​മി​നു ര​ണ്ട് നെ​റ്റ്സ് മാ​ത്ര​മേ ന​ൽ​കൂ. റേ​ഞ്ച് ഹി​റ്റിം​ഗി​നാ​യി വ​ണ്‍ സൈ​ഡ് പി​ച്ച് മാ​ത്ര​മേ അ​നു​വ​ദി​ക്കൂ. പ​രി​ശീ​ല​നം നേ​ര​ത്തേ അ​വ​സാ​നി​പ്പി​ച്ചാ​ൽ പി​ന്നീ​ട് പ​രി​ശീ​ല​ന സ​മ​യം അ​നു​വ​ദി​ക്കു​ന്ന​ത​ല്ല.

മ​ത്സ​ര​ദി​നം പ​രി​ശീ​ല​നം പ​റ്റി​ല്ല

മ​ത്സ​ര​ദി​നം പ്ര​ധാ​ന സ്റ്റേ​ഡി​യ​ത്തി​ൽ ക​ളി​ക്കാ​ർ​ക്കു പ​രി​ശീ​ല​നം ന​ട​ത്താ​ൻ അ​നു​വാ​ദ​മി​ല്ല. അ​തു​പോ​ലെ അ​ന്നേ​ദി​വ​സം ഫി​റ്റ്ന​സ് ടെ​സ്റ്റും അ​നു​വ​ദ​നീ​യ​മ​ല്ല.

സ്റ്റാ​ഫി​ന് ഐ​ഡി കാ​ർ​ഡ്

ടീ​മി​ലെ എ​ല്ലാ സ്റ്റാ​ഫ് അം​ഗ​ങ്ങ​ൾ​ക്കും അ​ക്രെ​ഡി​റ്റേ​ഷ​ൻ, ഐ​ഡി കാ​ർ​ഡ് നി​ർ​ബ​ന്ധം. നി​യ​മം തെ​റ്റി​ച്ചാ​ൽ ആ​ദ്യ ത​വ​ണ മു​ന്ന​റി​യി​പ്പു ന​ൽ​കും. ര​ണ്ടാം ത​വ​ണ​മു​ത​ൽ പി​ഴ ഈ​ടാ​ക്കും.
എ​ൽ​ഇ​ഡി​യി​ൽ പ​ന്ത​ടി​ക്ക​രു​ത്

ഏ​റ്റ​വും വി​ചി​ത്ര​മാ​യ നി​യ​മ​ങ്ങ​ളി​ൽ ഒ​ന്നാ​ണ് സ്റ്റേ​ഡി​യ​ത്തി​ലെ എ​ൽ​ഇ​ഡി ബോ​ർ​ഡി​ൽ പ​ന്ത് അ​ടി​ച്ചു കൊ​ള്ളി​ക്ക​രു​ത് എ​ന്ന​ത്. എ​ൽ​ഇ​ഡി സ്പോ​ണ്‍​സ​ർ​ഷി​പ്പ് ബോ​ർ​ഡി​നു കേ​ടു​പാ​ടു സം​ഭ​വി​ക്കാ​തി​രി​ക്കാ​നാ​ണീ നി​ർ​ദേ​ശം.

ഓ​റ​ഞ്ച്, പ​ർ​പ്പി​ൾ ക്യാ​പ്പ് മ​സ്റ്റ്

ടൂ​ർ​ണ​മെ​ന്‍റി​ലെ ടോ​പ് സ്കോ​റ​റി​നു​ള്ള ഓ​റ​ഞ്ച് ക്യാ​പ്പും ഏ​റ്റ​വും കൂ​ടു​ത​ൽ വി​ക്ക​റ്റ് വീ​ഴ്ത്തു​ന്ന ക​ളി​ക്കാ​ര​നു​ള്ള പ​ർ​പ്പി​ൾ ക്യാ​പ്പും ഓ​രോ മ​ത്സ​ര​ത്തി​ലും ചു​രു​ങ്ങി​യ​ത് ര​ണ്ട് ഓ​വ​ർ എ​ങ്കി​ലും അ​ണി​യ​ണം.

ഡ്ര​സ് കോ​ഡ് നി​ർ​ബ​ന്ധ​മാ​ക്കി

മ​ത്സ​ര​ശേ​ഷ​മു​ള്ള അ​ഭി​മു​ങ്ങ​ളി​ലും ഔ​ദ്യോ​ഗി​ക ച​ട​ങ്ങു​ക​ളി​ലും ഡ്ര​സ് കോ​ഡ് നി​ർ​ബ​ന്ധ​മാ​ക്കി. സ്ലീ​വ്‌​ലെ‌​സ് ജ​ഴ്സി, ഫ്ളോ​പ്പി ഹാ​റ്റ് തു​ട​ങ്ങി​യ​വ അ​ണി​യു​ന്ന​തി​നു വി​ല​ക്ക്. ലം​ഘി​ച്ചാ​ൽ പി​ഴ ചു​മ​ത്തും.

സ​പ്പോ​ർ​ട്ട് സ്റ്റാ​ഫ് 12 മാ​ത്രം

ക​ഴി​ഞ്ഞ സീ​സ​ണി​ലെ പ്ര​ശ്ന​ങ്ങ​ൾ മു​ൻ​നി​ർ​ത്തി ബി​സി​സി​ഐ സ​പ്പോ​ർ​ട്ടിം​ഗ് സ്റ്റാ​ഫു​ക​ളു​ടെ കാ​ര്യ​ത്തി​ൽ പ്ര​ത്യേ​ക നി​യ​മം ഏ​ർ​പ്പെ​ടു​ത്തി. ഒ​രു ടീ​മി​നു മ​ത്സ​ര ദി​ന​ത്തി​ൽ ടീം ​ഡോ​ക്ട​ർ​മാ​ർ അ​ട​ക്കം പ​ര​മാ​വ​ധി 12 സ​പ്പോ​ർ​ട്ടിം​ഗ് സ്റ്റാ​ഫു​ക​ളെ മാ​ത്ര​മേ ഉ​പ​യോ​ഗി​ക്കാ​ൻ സാ​ധി​ക്കൂ.

ജ​ഴ്സി ന​ന്പ​ർ മാ​റ്റ​രു​ത്

ക​ളി​ക്കാ​ർ​ക്കു മ​ത്സ​ര​ത്തി​ന്‍റെ ഇ​ട​യി​ലും മു​ന്പു​മാ​യി യ​ഥേ​ഷ്ടം ത​ങ്ങ​ളു​ടെ ജ​ഴ്സി ന​ന്പ​ർ മാ​റ്റാ​ൻ സാ​ധി​ക്കി​ല്ല. ജ​ഴ്സി ന​ന്പ​ർ മാ​റ്റ​ണ​മെ​ങ്കി​ൽ ചു​രു​ങ്ങി​യ​ത് 24 മ​ണി​ക്കൂ​ർ മു​ന്പ് ബി​സി​സി​ഐ​യെ അ​റി​യി​ക്ക​ണം.