ബംഗളൂരു: അടിയും തിരിച്ചടിയും ആവേശംനിറച്ച പോരാട്ടത്തിൽ ഹൈദരാ ബാദ് സണ്‍റൈസേഴ്സിനെതിരേ റോയൽ ചലഞ്ചേഴ്സിനു 14 റണ്‍സ് ജയം. ആദ്യം ബാറ്റ് ചെയ്ത ബംഗളൂരു 20 ഓവറിൽ ആറ് വിക്കറ്റ് നഷ്ടത്തിൽ 218 റണ്‍സ് നേടി.
നാല് ഓവറിൽ 27 റണ്‍സ് വഴങ്ങി മൂന്ന് വിക്കറ്റ് വീഴ്ത്തിയ റഷീദ് ഖാൻ മാത്രമാണ് ഹൈദരാബാദിനായി മികച്ച രീതിയിൽ പന്തെറിഞ്ഞത്. ഹൈദ രാബാദ് 20 ഓവറിൽ മൂന്ന് വിക്കറ്റ് നഷ്ടത്തിൽ 204ൽ ഒതുങ്ങി.
എബി ഡിവില്യേഴ്സ് (34 പന്തിൽ 69 റണ്‍സ്), മൊയീൻ അലി (34 പന്തിൽ 65 റണ്‍സ്), ഗ്രാൻഡ്ഹോം (17 പന്തിൽ 40 റണ്‍സ്), സർഫ്രാസ് ഖാൻ (എട്ട് പന്തിൽ 22 നോട്ടൗട്ട്) എന്നിവരാണ് റോയൽ ചലഞ്ചേഴ്സിനായി മികച്ച ബാറ്റിംഗ് കെട്ടഴിച്ചത്. മറുപടിക്കിറങ്ങിയ സണ്‍റൈസേഴ്സിനായി ക്യാപ്റ്റൻ കെയ്ൻ വില്യംസണ്‍ (42 പന്തിൽ 81 റൺസ്), മനീഷ് പാണ്ഡ (38 പന്തിൽ 62 നോട്ടൗട്ട്) എന്നിവർ ആക്രമണം നയിച്ചെങ്കിലും ജയം എത്തിപ്പിടിക്കാൻ സാധിച്ചില്ല.
