ലാഹോര്‍: ഐപിഎൽ മത്സരങ്ങളുടെ സംപ്രേക്ഷണം പാക്കിസ്ഥാൻ ബഹിഷ്കരിക്കും. പാക് വാര്‍ത്താ വിനിമയ മന്ത്രി ഫവാദ് അഹ്മദ് ചൗധരിയാണ് ഇക്കാര്യം പറഞ്ഞത്. മാര്‍ച്ച് 23നാണ് ഐപിഎല്‍ സീസണിന് തുടക്കമാകുക.
നേരത്തെ, പുൽവാമ ഭീകരാക്രമണത്തിന്‍റെ പശ്ചാത്തലത്തിൽ പാക്കിസ്ഥാന്‍ സൂപ്പര്‍ ലീഗിന്‍റെ(പിഎസ്എൽ) സംപ്രേക്ഷണം ഇന്ത്യയിൽ ബഹിഷ്‌കരിച്ചിരുന്നു. പിഎസ്എല്ലിന്‍റെ നിര്‍മാണ പങ്കാളിത്തത്തിൽ നിന്ന് ഐഎംജി-റിലയന്‍സ് പിൻമാറിയിരുന്നു. ഇതോടെയാണ് പാക്കിസ്ഥാനും സമാനമായ നിലപാട് സ്വീകരിച്ചത്.
സ്പോര്‍ട്സും രാഷ്ട്രീയവും കൂട്ടിക്കലര്‍ത്താൻ താത്പര്യമില്ല. എന്നാൽ ഇന്ത്യ ഇത്തരമൊരു സമീപനം സ്വീകരിച്ചതിനാലാണ് ഐപിഎല്‍ സംപ്രേക്ഷണം നിരോധിച്ചതെന്നും പാക് മന്ത്രി വ്യക്തമാക്കി.
