കോൽക്കത്ത: കോൽക്കത്ത നൈറ്റ് റൈഡേഴ്സിനെതിരെ പുനെ സൂപ്പർജെയ്ന്‍റിന് നാലു വിക്കറ്റ് ജയം. കോൽക്കത്തയുടെ 156 റൺസ് വിജയലക്ഷ്യം പുനെ നാലു പന്തുകൾ ബാക്കിനിൽക്കെ മറികടന്നു.
രാഹുൽ തൃപതിയുടെ (93) സെഞ്ചുറിയോളംപോന്ന അർധ സെഞ്ചുറിയാണ് പുനെയ്ക്കു വിജയം സമ്മാനിച്ചത്. 52 പന്തിൽനിന്നും ഏഴു സിക്സും ഒമ്പതു ഫോറും അടങ്ങുന്നതായിരുന്നു തൃപതിയുടെ ഇന്നിംഗ്സ്. തൃപതിയെക്കൂടാതെ രഹാനെ (11), ബെൻ സ്റ്റോക്സ് (14) എന്നിവർക്ക് മാത്രമാണ് രണ്ടക്കം കടക്കാനായത്.
