ജയ്പുർ: ഐപിഎലിൽ രാജസ്ഥാൻ റോയൽസിനെതിരേ കോൽക്കത്ത നൈറ്റ് റൈഡേഴ്സിന് ഏഴ് വിക്കറ്റ് ജയം. ടോസ് നഷ്ടപ്പെട്ട് ക്രീസിലെത്തിയ രാജസ്ഥാന് 20 ഓവറിൽ എട്ട് വിക്കറ്റ് നഷ്ടത്തിൽ 160 റണ്‍സ് എടുക്കാനേ സാധിച്ചുള്ളൂ. 18.5 ഓവറിൽ മൂന്ന് വിക്കറ്റ് നഷ്ടത്തിൽ കോൽത്തക്ക 163 റണ്‍സ് നേടി ജയത്തിലെത്തി.
കഴിഞ്ഞ മത്സരത്തിൽ മാൻ ഓഫ് ദ മാച്ച് ആയ സഞ്ജു വി. സാംസണിന് ഇന്നലെ കാര്യമായൊന്നും ചെയ്യാൻ സാധിച്ചില്ല. ഏഴ് റണ്‍സ് എടുത്ത് സഞ്ജു മടങ്ങി. ഡാർസി ഷോർട്ട് (43 പന്തിൽ 44 റണ്‍സ്) ആണ് രാജസ്ഥാൻ ഇന്നിംഗ്സിലെ ടോപ് സ്കോറർ. ബെൻ സ്റ്റോക്സ് (11 പന്തിൽ 14 റണ്‍സ്) പരാജയപ്പെട്ടപ്പോൾ ജോ ബ‌ട്ട്‌ലർ (18 പന്തിൽ 24 റണ്‍സ്) ഭേദപ്പെട്ട പ്രകടനം കാഴ്ചവച്ചു.
കോൽക്കത്തയ്ക്കായി റോബിൻ ഉത്തപ്പ (36 പന്തിൽ 48 റണ്‍സ്), സുനിൽ നരേൻ (25 പന്തിൽ 35 റണ്‍സ്) ദിനേശ് കാർത്തിക് (23 പന്തിൽ 42 നോട്ടൗട്ട്), നിതീഷ് റാണ (27 പന്തിൽ 35 നോട്ടൗട്ട്) എന്നിവർ തിളങ്ങി. ജയത്തോടെ കോൽക്കത്ത പോയി ന്‍റ് പട്ടികയിൽ ഒന്നാമതെത്തി.
