കൊച്ചി: ആഭ്യന്തര വിമാനയാത്രാ ടൂർ പാക്കേജുകളുമായി പൊതുമേഖലാ സ്ഥാപനമായ ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപറേഷൻ ലിമിറ്റഡ് (ഐആർസിടിസി). ഹൈദരാബാദ്, ഡൽഹി, ആഗ്ര, ജയ്പുർ എന്നിവിടങ്ങളിലെ വിനോദസഞ്ചാരകേന്ദ്രങ്ങൾ സന്ദർശിക്കാനാണ് ആഭ്യന്തര വിമാനയാത്രാ ടൂർ പാക്കേജുകൾ അവതരിപ്പിച്ചിട്ടുള്ളത്.
അമേസിംഗ് ഹൈദരാബാദ് എന്ന പേരിൽ ഓഗസ്റ്റ് 16ന് പുറപ്പെട്ട് 18ന് തിരിച്ചെത്തുന്ന പാക്കേജിൽ ഗോൽകൊണ്ട ഫോർട്ട്, ബിർളാ മന്ദിർ, സലർജംഗ് മനസിയം, ചൗമഹല പാലസ്, ലാഡ് ബസാർ, ചാർമിനാർ, മക്ക മസ്ജിദ്, രാമോജി ഫിലിം സിറ്റി മുതലായ സ്ഥലങ്ങൾ സന്ദർശിക്കും. 14,530 രൂപ മുതലാണ് ടിക്കറ്റ് നിരക്ക്.
ഗോൾഡൻ ട്രയാംഗിൾ എന്ന പേരിൽ ഓഗസ്റ്റ് 24ന് പുറപ്പെട്ട് 29ന് തിരിച്ചെത്തുന്ന പാക്കേജിൽ അക്ഷർധാം ക്ഷേത്രം, കുത്തബ് മിനാർ, താജ്മഹൽ, ജയ്പുർ സിറ്റി പാലസ്, ആംബർ ഫോർട്ട് തുടങ്ങി ഡൽഹിയിലെയും ആഗ്രയിലെയും ജയ്പുരിലെയും വിനോദസഞ്ചാര കേന്ദ്രങ്ങൾ സന്ദർശിക്കാൻ അവസരമുണ്ട്.
ഈ പാക്കേജിന് 25,010 രൂപ മുതലാണു ടിക്കറ്റ് നിരക്ക്. കൊച്ചി അന്താരാഷ്‌ട്ര വിമാനത്താവളത്തിൽനിന്നു പുറപ്പെടുന്ന ഈ പാക്കേജുകളിൽ വിമാന ടിക്കറ്റ്, ത്രീ സ്റ്റാർ ഹോട്ടലുകളിൽ ഭക്ഷണത്തോടൊപ്പം താമസസൗകര്യം, എസി വാഹനം, ഐആർസിടിസി ടൂർ മാനേജർ തുടങ്ങിയ സേവനങ്ങളും ലഭ്യമാണ്. കൂടുതൽ വിവരങ്ങൾക്ക്: 9567863245, 9746743047, 9567863241.
