ജോ​ലി വാ​ഗ്ദാ​നം ന​ല്കി ഐ​എ​സി​ലേ​ക്ക് റി​ക്രൂ​ട്ട്മെ​ന്‍റ് ; ഉ​ദി​നൂ​രി​ലെ ആറംഗ കു​ടും​ബം ഐ​എ​സി​ൽ ചേ​രാ​ൻ യെ​മ​നി​ൽ; 2016 ൽ ഐഎസിൽ ചേർന്നവരുടെ കണക്ക് ഞെട്ടിക്കുന്നത്

തൃ​ക്ക​രി​പ്പൂ​ർ: തീ​വ്ര​സം​ഘ​ട​ന​യാ​യ ഐ​എ​സി​ൽ ചേ​രാ​ൻ യെ​മ​നി​ൽ എ​ത്തി​യ​ത് തൃ​ക്ക​രി​പ്പൂ​ർ ഉ​ദി​നൂ​രി​ലെ കു​ട്ടി​ക​ൾ ഉ​ൾ​പ്പെ​ടെ​യു​ള്ള ആ​റം​ഗ കു​ടും​ബ​വും പ​ട​ന്ന സ്വ​ദേ​ശി​ക​ളാ​യ ര​ണ്ടു​പേ​രു​മാ​ണെ​ന്ന് കേ​ന്ദ്ര​ര​ഹ​സ്യാ​ന്വേ​ഷ​ണ വി​ഭാ​ഗം സ്ഥി​രീ​ക​രി​ച്ചു.

ദു​ബാ​യി​ൽ താ​മ​സി​ക്കു​ന്ന​തി​നി​ടെ​യാ​ണ് കു​ടും​ബ​ത്തെ ദു​രൂ​ഹ സാ​ഹ​ച​ര്യ​ത്തി​ൽ കാ​ണാ​താ​യ​ത്. കേ​ന്ദ്ര ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ന്‍റെ ന​ട​ത്തി​യ അ​ന്വേ​ഷ​ണ​ത്തി​ൽ ആ​ദ്യം ആ​റം​ഗ​കു​ടും​ബ​ത്തെ​ക്കു​റി​ച്ചു​ള്ള വി​വ​ര​മാ​യി​രു​ന്നു ല​ഭി​ച്ച​ത്.

പി​ന്നീ​ടാ​ണ്, പ​ട​ന്ന സ്വ​ദേ​ശി​ക​ളാ​യ ര​ണ്ടു​പേ​രും കൂ​ടി യെ​മ​നി​ൽ എ​ത്തി​യ​താ​യി വി​വ​രം ല​ഭി​ച്ചി​രി​ക്കു​ന്ന​ത്.വ​ർ​ഷ​ങ്ങ​ളാ​യി ദു​ബാ​യി​ലാ​യി​രു​ന്ന കു​ടും​ബം സൗ​ദി അ​റേ​ബ്യ വ​ഴി​യാ​ണ് യെ​മ​നി​ലെ​ത്തി​യ​തെ​ന്നും വി​വ​രം ല​ഭി​ച്ചി​ട്ടു​ണ്ട്.

ഇ​വ​രെ കൂ​ടാ​തെ പ​ട​ന്ന വ​ട​ക്കേ​പ്പു​റം സ്വ​ദേ​ശി​ക​ളാ​യ ര​ണ്ടു​പേ​രി​ൽ ഒ​രാ​ൾ സൗ​ദി വ​ഴി​യും മ​റ്റൊ​രാ​ൾ ഒ​മാ​നി​ൽനി​ന്നു​മാ​ണ് പോ​യ​ത്.

ഇ​ന്ന​ലെ പ്ര​ത്യേ​ക അ​ന്വേ​ഷ​ണ​സം​ഘം ഉ​ദു​മ​യി​ലും പ​ട​ന്ന​യി​ലും എ​ത്തി കു​ടും​ബാം​ഗ​ങ്ങ​ളി​ൽ നി​ന്നും മൊ​ഴി ശേ​ഖ​രി​ച്ചി​രു​ന്നു. കൂ​ടു​ത​ൽ വി​വ​ര​ങ്ങ​ൾ ശേ​ഖ​രി​ക്കാ​ൻ ഇ​ന്നും അ​ന്വേ​ഷ​ണ‌​സം​ഘ​മെ​ത്തും.

ഇ​തി​നി​ടെ ഐ​എ​സ് റി​ക്രൂ​ട്ട്മെ​ന്‍റ് കേ​ര​ള​ത്തി​ൽ വീ​ണ്ടും സ​ജീ​വ​മാ​കു​ന്ന​താ​യും ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ന് വി​വ​രം ല​ഭി​ച്ചി​ട്ടു​ണ്ട്.

ദു​ബാ​യി​ൽ ജോ​ലി വാ​ഗ്ദാ​നം ന​ല്കി കൊ​ണ്ടു​പോ​കു​ന്ന​വ​രെ ഐ​എ​സി​ലേ​ക്ക് റി​ക്രൂ​ട്ട് ചെ​യ്യു​ന്ന​ത് ദു​ബാ​യി​ൽ വ​ച്ചാ​ണെ​ന്നു​മാ​ണ് അ​ന്വേ​ഷ​ണ​സം​ഘ​ത്തി​ന് ല​ഭി​ച്ചി​രി​ക്കു​ന്ന വി​വ​രം.

2016 ൽ ​ഐ​എ​സി​ൽ ചേ​ർ​ന്ന​ത് 21 പേ​ർ
2016ൽ ​പ​ട​ന്ന, തൃ​ക്ക​രി​പ്പൂ​ർ പ​ഞ്ചാ​യ​ത്തു​ക​ളി​ൽനി​ന്നു നാ​ല് കു​ടും​ബ​ങ്ങ​ളു​ൾ​പ്പെ​ടെ 21 പേ​ർ തീ​വ്ര സം​ഘ​ട​ന​യാ​യ ഐ​എ​സി​ൽ ചേ​ർ​ന്ന​ത് വ​ലി​യ ച​ർ​ച്ച​യാ​യി​രു​ന്നു.

തൃ​ക്ക​രി​പ്പൂ​ർ സ്വ​ദേ​ശി അ​ബ്ദു​ൾ റാ​ഷി​ദി​ന്‍റെ നേ​തൃ​ത്വ​ത്തി​ലാ​ണ് കാ​ബൂ​ൾ വ​ഴി ഭൂ​രി​ഭാ​ഗം പേ​രും യെ​മ​നി​ലേ​ക്ക് പോ​യ​ത്. ഇ​വ​രി​ൽ ഏ​ഴ് പേ​ർ മ​ല​യി​ടു​ക്കി​ലു​ണ്ടാ​യ ഡ്രോ​ൺ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​താ​യി ബ​ന്ധു​ക്ക​ൾ​ക്ക് പി​ന്നീ​ട് വി​വ​രം ല​ഭി​ച്ചി​രു​ന്നു.

സ്ത്രീ​ക​ളും കു​ട്ടി​ക​ളു​മ​ട​ങ്ങു​ന്ന ഒ​മ്പ​ത് പേ​ർ ര​ണ്ട് വ​ർ​ഷ​മാ​യി അ​ഫ്ഗാ​ൻ സെ​ന്യ​ത്തി​ന്‍റെ ത​ട​ങ്ക​ലി​ലാ​ണെ​ന്ന് വി​വ​ര​മു​ണ്ടെ​ങ്കി​ലും അ​ത​ല്ല ​ഇ​വ​രി​ൽ പ​ട​ന്ന സ്വ​ദേ​ശി​ക​ളാ​യ ര​ണ്ട് പേ​ർ മാ​ത്ര​മാ​ണ് ജീ​വി​ച്ചി​രി​ക്കു​ന്നു​ള്ളു​വെ​ന്നാ​ണ് ദേ​ശീ​യ അ​ന്വേ​ഷ​ണ ഏ​ജ​ൻ​സി​യു​ടെ വി​ല​യി​രു​ത്ത​ൽ.

ആ​റു​വ​ർ​ഷ​ത്തെ ഇ​ട​വേ​ള​ക്ക് ശേ​ഷം ഏ​ട്ട് പേ​ർ കൂ​ടി യെ​മ​നി​ലേ​ക്ക് ക​ട​ന്ന​താ​യി വി​വ​രം ല​ഭി​ച്ച​തോ​ടെ കു​ടും​ബ​ങ്ങ​ളും നാ​ട്ടു​കാ​രും ആ​ശ​ങ്ക​യി​ലാ​ണ്.