ഇറാക്കി സേനയുടെ ആക്രമണത്തില്‍നിന്നു രക്ഷപ്പെടാന്‍ പ്രച്ഛന്ന വേഷം ഉള്‍പ്പെടെയുള്ള തന്ത്രങ്ങള്‍ പയറ്റുന്ന ഐഎസ് ഭീകരന്റെ വീഡിയോ വൈറലാകുന്നു. ഇറാക്കിലെ മരുഭൂമിയില്‍ നിന്നു ഇറാക്കി സൈന്യം തന്നെയാണ് വീഡിയോ ഷൂട്ട് ചെയ്തത്. വലിയ മരുഭൂമിയില്‍ ഒറ്റപ്പെട്ട ഭീകരനെ ഹെലികോപ്റ്ററിലെത്തിയ സൈനികര്‍ ട്രാക്ക് ചെയ്യുന്നു. ഇവരില്‍നിന്നു രക്ഷപ്പെടാന്‍ ഭീകരന് കാര്യമായ മറയൊന്നും ലഭിക്കുന്നില്ല. ആദ്യം നിലത്തുകിടന്നു നോക്കിയെങ്കിലും പന്തിയല്ലെന്നു മനസിലാക്കിയ ഭീകരന് പതിയെ എണീറ്റു. കിട്ടിയ ഒരു മരത്തിന്റെ ഇല തലയില്‍ മറയാക്കി പിടിക്കുകയും ചെയ്തു. ഭീകരന്റെ ചെയ്തികളെല്ലാം സസൂക്ഷ്മം വീക്ഷിച്ചുകൊണ്ടിരുന്ന ഇറാക്കിസേന ഇയാളെ കൊലപ്പെടുത്തുകയും ചെയ്തു.
ഒളിച്ചോടുന്ന ഐഎസ് ഭീകരന്, ആദ്യം നിലത്തുകിടന്നു, പിന്നെ മരക്കൊമ്പും തലയില്‍ വച്ചു പറ്റിക്കാന്‍ നോക്കി… വീഡിയോ വൈറലാകുന്നു
