ഗോഹട്ടി: നോർത്ത് ഈസ്റ്റ് യുണൈറ്റഡിനെ പരാജയപ്പെടുത്തി ബംഗളുരു എഫ്സി ഐഎസ്എൽ പോയിന്റ് പട്ടികയിൽ വീണ്ടും ഒന്നാമതെത്തി. നേർത്ത് ഈസ്റ്റിന്‍റെ ഹോംഗ്രൗണ്ടായ ഗോഹട്ടി ഇന്ദിരാഗാന്ധി അത്ലറ്റിക് സ്റ്റേഡിയത്തിൽ നടന്ന മത്സരത്തിൽ എതിരില്ലാത്ത ഒരു ഗോളിനാണ് ബംഗളുരു വിജയിച്ചത്.
47-ാം മിനിറ്റിൽ മിക്കുവാണ് ബംഗളൂരുവിനായി ഗോൾ നേടിയത്. വിജയത്തോടെ ഒന്പതു പോയന്റുമായി ബംഗളുരു വീണ്ടും ഒന്നാം സ്ഥാനത്തെത്തി. നാലു കളികളിൽനിന്ന് മൂന്നു വിജയവും ഒരു തോൽവിയുമാണ് ബംഗളുരുവിന്‍റെ അക്കൗണ്ടിലുള്ളത്. നാല് മത്സരങ്ങളിൽനിന്ന് നാലു പോയിന്റു മാത്രമുള്ള നോർത്ത് ഈസ്റ്റ് പട്ടികയിൽ ഏഴാം സ്ഥാനത്താണ്.
