മുംബൈ: ഐഎസ്എലിൽ കേരള ബ്ലാസ്റ്റേഴ്സിന് വീണ്ടും സമനില. വ്യാഴാഴ്ച നടന്ന മത്സരത്തിൽ മുംബൈ സിറ്റി എഫ്സി ആണ് കേരള ബ്ലാസ്റ്റേഴ്സിനെ സമനിലയിൽ തളച്ചത്. ആദ്യം ഗോളടിച്ച ബ്ലാസ്റ്റേഴ്സ് തിരികെ ഗോൾ വഴങ്ങി 1-1 സമനിലയോടെ മുംബൈ സിറ്റിയുമായി പോയിന്റ് പങ്കുവച്ചു.
ആദ്യ പകുതിയിൽ ഗോൾ നേടാൻ ഇരു ടീമുകൾക്കും സാധിച്ചില്ല. ഗോളിനായുള്ള കാത്തിരിപ്പ് 75-ാം മിനിറ്റുവരെ നീണ്ടു. 75-ാം മിനിറ്റിൽ കാർനെയ്റോയുടെ പാസിൽനിന്ന് മെസി ബൗളി ബ്ലാസ്റ്റേഴ്സിനെ മുന്നിലെത്തിച്ചു. എന്നാൽ രണ്ട് മിനിറ്റിനകം മുംബൈ സിറ്റി സമനില ഗോൾ കണ്ടെത്തി. അമിനെ ചേർമിറ്റിയുടെ വകയായിരുന്നു മുംബൈയുടെ ഗോൾ.
