പനാജി: ഐഎസ്എലിൽ ജംഷഡ്പുർ എഫ്സിയെ ഒന്നിനെതിരെ രണ്ടു ഗോളുകൾക്ക് പരാജയപ്പെടുത്തി ഗോവ പോയിന്‍റ് പട്ടികയിൽ ആദ്യ നാലിൽ വീണ്ടുമെത്തി. മാനുവൽ ലാൻസറോതെയുടെ ഇരട്ട ഗോളാണ് ഗോവയ്ക്കു വിജയം സമ്മാനിച്ചത്.
കളിയുടെ 45 ാം മിനിറ്റിൽ പെനാൽറ്റിയിലൂടെയാണ് ഗോവ അക്കൗണ്ട് തുറന്നത്. 54 ാം മിനിറ്റിൽ ട്രിൻഡാഡെ ഗോൺകാൽവസ് ഗോൾ തിരിച്ചടിച്ചു. എന്നാൽ ജംഷഡ്പുരിന്‍റെ ആശ്വാസത്തിനു ആറു മിനറ്റുകൾ മാത്രമായിരുന്നു ആയുസ്. ലാൻസറോതെ മനോഹരമായ ഫീൽഡ് ഗോളിലൂടെ ഗോവയെ വിജയവഴിയിൽ എത്തിച്ചു.
