ബഹിരാകാശരംഗത്ത് മറ്റു രാജ്യങ്ങൾക്ക് അസൂയയുണ്ടാക്കുംവിധമുള്ള മുന്നേറ്റങ്ങളാണ് ഇന്ത്യയുടെ ബഹിരാകാശ ഗവേഷണ സംഘടന (ഇസ്രോ) നടത്തിക്കൊണ്ടിരിക്കുന്നത്. ഇപ്പോൾ ഏറ്റവും പുതിയതായി ചന്ദ്രനിൽ ഇഗ്ലു വീടുകൾ പണിയാനുള്ള തയാറെടുപ്പിലാണ് ഇസ്രോ.
ഉത്തരധ്രുവത്തിൽ താമസിക്കുന്ന എസ്കിമോകൾ മഞ്ഞുകട്ടകൾകൊണ്ട് ഉണ്ടാക്കുന്ന വീടാണ് ഇഗ്ലു. ഭാവിയിൽ ഭൂമിയിൽനിന്ന് ചെല്ലുന്ന ബഹിരാകാശ ശാസ്ത്രജ്ഞർക്കും സഞ്ചാരികൾക്കും താമസിക്കാൻ ഇത്തരത്തിലുള്ള മഞ്ഞുവീടുകൾ ചന്ദ്രനിൽ നിർമിക്കുന്നതിനുള്ള പദ്ധതികളാണ് ഇസ്രോ തയാറാക്കിക്കൊണ്ടിരിക്കുന്നത്. ഇതിനായുള്ള അഞ്ച് ഇഗ്ലു വീടുകളുടെ പ്ലാനുകൾ അംഗീകരിച്ചു കഴിഞ്ഞു.
ഇഗ്ലു വീടുകൾ നിർമിക്കാനായി റോബട്ടുകളെ ചന്ദ്രനിലെത്തിക്കാനാണ് പദ്ധതി. ഇവയ്ക്കൊപ്പം അയയ്ക്കുന്ന ത്രീ ഡി പ്രിന്‍ററുകളാകും ഇഗ്ലു നിർമാണത്തിന് സഹായിക്കുക.
