ബിർമിങാം: ഇംഗ്ലണ്ടിനെ അവരുടെ മണ്ണിൽ കീഴടക്കാൻ ഇന്ത്യക്കുമാത്രമേ സാധിക്കൂ എന്ന് ഓൾറൗണ്ടർ രവീന്ദ്ര ജഡേജ. ഇന്ത്യൻ ക്രിക്കറ്റിന്‍റെ ഗുണകരമായ സാഹചര്യം നിരവധി പകരക്കാരായ കളിക്കാർ ഉണ്ടെന്നതാണ്.
ആർക്കെങ്കിലും കളിക്കാൻ പറ്റാതെവരുകയോ വിരമിക്കേണ്ടിവരുകയോ ചെയ്താലും മികവുറ്റവർ തൽസ്ഥാനത്തേക്ക് എത്തും. ഇംഗ്ലണ്ടിനെതിരായ പരന്പരയെ പോസിറ്റീവ് ആയാണ് സമീപിക്കുന്നതെന്നും ജയം നേടാൻ സാധിക്കുമെന്നാണ് വിശ്വാസമെന്നും ഇന്ത്യൻ താരം കൂട്ടിച്ചേർത്തു.
