അഡ്‌ലെയ്ഡ്: ലോക ക്രിക്കറ്റില്‍ ഇപ്പോഴുള്ളതില്‍ മികച്ച ഫീല്‍ഡര്‍മാരില്‍ ഒരാളാണ് ഇന്ത്യയുടെ രവീന്ദ്ര ജഡേജ. ഓസ്‌ട്രേലിയക്കെതിരായ രണ്ടാം ഏകദിനത്തില്‍ ഇന്ത്യന്‍ താരത്തിന്‍റെ ഫീല്‍ഡിംഗ് മികവ് ക്രിക്കറ്റ് ലോകത്തെ അമ്പരപ്പിച്ചിരിക്കുകയാണ്.
ഓസീസ് താരം ഉസ്മാന്‍ ഖവാജയെ ജഡേജ നേരിട്ടുള്ള ത്രോയില് പുറത്താക്കുകയായിരുന്നു. കുല്‍ദീപ് യാദവ് എറിഞ്ഞ 19-ാം ഓവറിലായിരുന്നു സംഭവം. കുല്‍ദീപിന്‍റെ പന്ത് കവര്‍ പോയിന്‍റിലേക്ക് തട്ടിയിട്ട് സിംഗിളിന് ശ്രമിച്ചതായിരുന്നു ഖവാജ.
ഓടിയടുത്ത ജഡേജ ഒരു കൈക്കൊണ്ട് പന്തെടുത്ത് വേഗത്തില്‍ പന്ത് നോണ്‍ സ്‌െ്രെടക്കിലേക്കെറിഞ്ഞു. പന്തിന്‍റെ വഴിയില്‍ നിന്ന് കുല്‍ദീപ് ഒഴിഞ്ഞു മാറുകയും ചെയ്തു. പന്ത് വിക്കറ്റില്‍ പതിക്കുമ്പോള്‍ ഖവാജയുടെ ബാറ്റ് പുറത്തായിരുന്നു.
