ജംനഗർ: ഇന്ത്യൻ ക്രിക്കറ്റ് താരം രവീന്ദ്ര ജഡേജയുടെ ഭാര്യ റിവാബ സോളങ്കി ബിജെപിയിൽ ചേർന്നു. ജംനഗറിൽ നടന്ന ചടങ്ങിലായിരുന്നു റിവാബ ബിജെപി അംഗത്വം സ്വീകരിച്ചത്. ഗുജറാത്ത് കൃഷി മന്ത്രി ആർ.സി. ഫൽദു, പൂനം മാഡം എംപി എന്നിവരുടെ സാന്നിധ്യത്തിലായിരുന്നു ചടങ്ങ്.
കഴിഞ്ഞവർഷം നവംബറിൽ ജഡേജയും റിവാബയും പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തിയിരുന്നു. ഇരുവർക്കുമൊപ്പം നിൽക്കുന്ന ചിത്രം സഹിതം പ്രധാനമന്ത്രി തന്നെയായിരുന്നു ഇക്കാര്യം പുറത്തുവിട്ടത്.
