പ​രി​യാ​ര​ത്തെ മ​ഴ​വെ​ള്ള സം​ഭ​ര​ണി “കൊ​തു​ക്, മാ​ലി​ന്യ സം​ഭ​ര​ണി’; 50 ല​ക്ഷം രൂ​പ ചെ​ല​വി​ട്ട ജ​ല​സം​ഭ​ര​ണി​യാ​ണ് അ​ധി​കൃ​ത​രു​ടെ അ​നാ​സ്ഥ​യി​ല്‍  നശിക്കുന്നത്

പ​രി​യാ​രം: മാ​ലി​ന്യ​ങ്ങ​ള്‍ നി​റ​ഞ്ഞ മ​ഴ​വെ​ള്ള സം​ഭ​ര​ണി മെ​ഡി​ക്ക​ല്‍ കോ​ള​ജി​ലും പ​രി​സ​ര​ങ്ങ​ളി​ലു​മു​ള്ള​വ​രു​ടെ ആ​രോ​ഗ്യ​ത്തി​ന് ഭീ​ഷ​ണി​യാ​യി മാ​റി. 2004 ല്‍ ​സ​ഹ​ക​ര​ണ ശ​താ​ബ്ദി സ്മാ​ര​ക​മാ​യി ജി​ല്ലാ സ​ഹ​ക​ര​ണ ബാ​ങ്കി​ന്‍റെ സാ​മ്പ​ത്തി​ക സ​ഹാ​യ​ത്തോ​ടെ അ​ന്ന​ത്തെ ചെ​യ​ര്‍​മാ​ന്‍ എം.​വി.​രാ​ഘ​വ​ന്‍ മു​ന്‍​കൈ​യെ​ടു​ത്ത് സ്ഥാ​പി​ച്ച 50 ല​ക്ഷം രൂ​പ ചെ​ല​വി​ട്ട ജ​ല​സം​ഭ​ര​ണി​യാ​ണ് അ​ധി​കൃ​ത​രു​ടെ അ​നാ​സ്ഥ​യി​ല്‍ കൊ​തു​കു​വ​ള​ര്‍​ത്ത്-​മാ​ലി​ന്യ നി​ക്ഷേ​പ കേ​ന്ദ്ര​മാ​യി മാ​റി​യ​ത്.

മെ​ഡി​ക്ക​ല്‍ കോ​ള​ജി​ലെ കു​ടി​വെ​ള​ള ക്ഷാ​മ​ത്തി​ന് പ​രി​ഹാ​ര​മാ​കു​മാ​യി​രു​ന്ന പ​ദ്ധ​തി ഇ​പ്പോ​ള്‍ നാ​ട്ടു​കാ​ര്‍​ക്ക് മു​ഴു​വ​ന്‍ ബാ​ധ്യ​ത​യാ​യി മാ​റി​യി​രി​ക്ക​യാ​ണ്. ഒ​രു കോ​ടി ലി​റ്റ​ര്‍ സം​ഭ​ര​ണ​ശേ​ഷി​യു​ള്ള ഈ ​മ​ഴ​വെ​ള്ള​സം​ഭ​ര​ണി​യി​ല്‍ ശേ​ഷി​യു​ടെ 10 ശ​ത​മാ​നം പോ​ലും വെ​ള്ളം പി​ടി​ച്ചു​നി​ര്‍​ത്താ​നാ​വു​ന്നി​ല്ല. മെ​ഡി​ക്ക​ല്‍ കോ​ള​ജി​ന്‍റെ​യും ആ​ശു​പ​ത്രി​യു​ടേ​യും ആ​വ​ശ്യ​ങ്ങ​ള്‍​ക്കു​വേ​ണ്ട ശു​ദ്ധ​ജ​ല​മാ​യി​രു​ന്നു എം.​വി.​രാ​ഘ​വ​ന്‍ ല​ക്ഷ്യ​മി​ട്ടി​രു​ന്ന​തെ​ങ്കി​ല്‍ ഇ​ന്ന് പ​രി​സ​ര​പ്ര​ദേ​ശ​ങ്ങ​ളി​ലെ ശു​ദ്ധ​ജ​ല ശ്രോ​ത​സു​ക​ളെ മ​ലി​നീ​ക​രി​ക്കു​ന്ന രോ​ഗ​വാ​ഹി​നി​യാ​യി ഇ​ത് മാ​റി.

ദേ​ശീ​യ​പാ​ത​യ്ക്ക് അ​ഭി​മു​ഖ​മാ​യി ക​ണ്ണാ​യ സ്ഥ​ല​ത്ത് ഒ​രേ​ക്ക​റോ​ളം ഭൂ​മി​യി​ലാ​ണ് ജി​ല്ല​യി​ലെ ഏ​റ്റ​വും വ​ലി​യ സം​ഭ​ര​ണി എ​ന്ന നി​ല​യി​ല്‍ ഇ​തു നി​ര്‍​മി​ച്ച​ത്. സ​മീ​പ​ത്ത് ത​ന്നെ ര​ണ്ട് കൂ​റ്റ​ന്‍ കി​ണ​റു​ക​ളും നി​ര്‍​മി​ച്ചി​രു​ന്നു. മെ​ഡി​ക്ക​ല്‍ കോ​ള​ജി​ന്റെ എ​ല്ലാ കെ​ട്ടി​ട​ങ്ങ​ളി​ല്‍​നി​ന്നും പൈ​പ്പ് വ​ഴി വെ​ള്ളം സം​ഭ​ര​ണി​യി​ലേ​ക്ക് ഒ​ഴു​ക്കി.എ​ന്നാ​ല്‍ തു​ട​ക്ക​ത്തി​ല്‍ ത​ന്നെ സം​ഭ​ര​ണി​യു​ടെ കോ​ണ്‍​ക്രീ​റ്റ് ചെ​യ്ത ഭാ​ഗം പൊ​ട്ടി​പ്പി​ള​ര്‍​ന്ന് വെ​ള്ളം മു​ഴു​വ​ന്‍ ഭൂ​മി​യി​ല്‍ താ​ഴ്ന്നു. ഈ ​ഭാ​ഗ​ത്ത് ഭൂ​മി​ക്ക​ടി​യി​ലൂ​ടെ​യു​ള്ള വെ​ള്ള​മൊ​ഴു​ക്ക് ക​ണ്ടെ​ത്താ​ന്‍ ക​ഴി​യാ​ത്ത​താ​ണ് ഇ​തി​നു കാ​ര​ണ​മാ​യ​ത്.

തു​ട​ര്‍​ന​ട​പ​ടി എ​ന്ന നി​ല​യി​ല്‍ പ​ന്ത്ര​ണ്ട് ല​ക്ഷം രൂ​പ ചെ​ല​വി​ല്‍ മ​ഴ​വെ​ള്ള സം​ഭ​ര​ണി മു​ഴു​വ​നാ​യി പോ​ളി​ത്തീ​ന്‍ ക​വ​ര്‍ ഉ​പ​യോ​ഗി​ച്ച് പൊ​തി​ഞ്ഞു​വെ​ങ്കി​ലും അ​ധി​കം വൈ​കാ​തെ പോ​ളി​ത്തീ​ന്‍ ക​വ​ര്‍ ന​ശി​ച്ച​തോ​ടെ ചോ​ര്‍​ച്ച തു​ട​ര്‍​ന്ന​തി​നാ​ല്‍ വെ​ള്ളം കെ​ട്ടി​നി​ര്‍​ത്താ​ന്‍ സാ​ധി​ക്കാ​ത്ത നി​ല​യി​ലാ​യി. നി​ര​ന്ത​രം പ്ര​ശ്ന​ങ്ങ​ള്‍ വ​ന്ന​തോ​ടെ കോ​ള​ജി​ന്‍റെ എ​ൻ​ജി​നി​യ​റിം​ഗ് വി​ഭാ​ഗം പ​ല സാ​ങ്കേ​തി​ക​പ്ര​ശ്ന​ങ്ങ​ളും പ​റ​ഞ്ഞ് ജ​ല​സം​ഭ​ര​ണി ന​ന്നാ​ക്കു​ന്ന​തി​ല്‍​നി​ന്ന് ഒ​ഴി​ഞ്ഞു​മാ​റി.

അ​തോ​ടെ ഒ​രു നാ​ടി​നു​മു​ഴു​വ​ന്‍ ഗു​ണ​ക​ര​മാ​കു​മാ​യി​രു​ന്ന വ​ന്‍ പ​ദ്ധ​തി അ​കാ​ല​ച​ര​മ​മ​ട​ഞ്ഞു. ഇ​പ്പോ​ള്‍ ക​ടു​ത്ത മ​ഴ​ക്കാ​ല​ത്ത് പോ​ലും സം​ഭ​ര​ണി നി​റ​യു​ന്നി​ല്ല, വ​ര്‍​ഷ​ങ്ങ​ളാ​യി ശു​ചീ​ക​ര​ണം ന​ട​ത്താ​ത്ത​തി​നാ​ല്‍ ച​ത്ത പ​ട്ടി​ക​ളു​ടെ ജ​ഡ​ങ്ങ​ളു​ള്‍​പ്പെ​ടെ അ​ഴു​കി മ​ലി​നീ​ക​രി​ക്ക​പ്പെ​ട്ട കൊ​തു​ക് വ​ള​ര്‍​ത്ത് കേ​ന്ദ്ര​മാ​യി മാ​റി​യി​രി​ക്ക​യാ​ണ് സം​ഭ​ര​ണി.

കാ​ടു മൂ​ടി​ക്കി​ട​ക്കു​ന്ന സം​ഭ​ര​ണി മെ​ഡി​ക്ക​ല്‍ കോ​ള​ജി​നും പ​രി​സ​ര​വാ​സി​ക​ള്‍​ക്കും ബാ​ധ്യ​ത​യാ​യി മാ​റി​യി​രി​ക്കു​ക​യാ​ണ്. ഒ​ന്നെ​ങ്കി​ൽ സം​ഭ​ര​ണി മൂ​ടു​ക​യോ അ​ത​ല്ലെ​ങ്കി​ല്‍ വേ​ണ്ട​വി​ധ​ത്തി​ല്‍ പ​രി​പാ​ലി​ക്കു​ക​യോ ചെ​യ്യ​ണ​മെ​ന്നാ​വ​ശ്യ​പ്പെ​ട്ട് പ​രി​യാ​രം വി​ക​സ​ന​സ​മി​തി ജി​ല്ലാ ക​ള​ക്ട​ര്‍​ക്കും ഡി​എം​ഒ​ക്കും പ​രാ​തി ന​ല്‍​കി​യി​ട്ടു​ണ്ട്. അ​ടി​യ​ന്തി​ര തീ​രു​മാ​ന​മു​ണ്ടാ​കാ​ത്ത​പ​ക്ഷം നാ​ട്ടു​കാ​ര്‍ പ്ര​ത്യ​ക്ഷ​സ​മ​രം ആ​രം​ഭി​ക്കു​മെ​ന്ന് സ​മി​തി പ്ര​സി​ഡ​ന്‍റ് ശി​വ​സു​ബ്ര​ഹ്മ​ണ്യ​ന്‍ പ​റ​ഞ്ഞു.