കാ​ഷ്മീ​രി​ലെ സ്ഥി​തി നി​യ​ന്ത്ര​ണ വി​ധേ​യ​മാ​ണെ​ന്ന് പോ​ലീ​സ്; ടെലിഫോൺ, ഇന്‍റർനെറ്റ്, കേബിൾ ടിവി സർവീസുകൾ നിർത്തിവച്ചിരിക്കുന്നതിനാൽ വാർത്തകൾ പുറംലോകത്തെത്തുന്നില്ല

ശ്രീ​ന​ഗ​ർ: ജ​മ്മു കാ​ഷ്മീ​രി​ലെ സ്ഥി​തി നി​യ​ന്ത്ര​ണ വി​ധേ​യ​മാ​ണെ​ന്ന് പോ​ലീ​സ്. ഭ​ര​ണ​ഘ​ട​ന​യു​ടെ 370-ാം അ​നു​ച്ഛേ​ദ​ത്തി​ലൂ​ടെ ജ​മ്മു കാ​ഷ്മീ​രി​ന് ഉ​ണ്ടാ​യി​രു​ന്ന പ്ര​ത്യേ​ക പ​ദ​വി അ​വ​സാ​നി​പ്പി​ക്കാ​നു​ള്ള കേ​ന്ദ്ര​ത്തി​ന്‍റെ തീ​രു​മാ​ന​ത്തെ തു​ട​ർ​ന്നു ക​ർ​ശ​ന നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യ​തി​നാ​ൽ തി​ങ്ക​ളാ​ഴ്ച അ​പ്ര​തീ​ക്ഷി​ത സം​ഭ​വ​ങ്ങ​ളൊ​ന്നും റി​പ്പോ​ർ​ട്ട് ചെ​യ്തി​ട്ടി​ല്ലെ​ന്ന് പോ​ലീ​സ് അ​റി​യി​ച്ചു. ജ​മ്മു​വി​ൽ സ്ഥി​തി സ​മാ​ധാ​ന​പ​ര​മാ​യി​രു​ന്നു​വെ​ന്നും അ​ധി​കൃ​ത​ർ പ​റ​ഞ്ഞു.

അ​ധി​കൃ​ത​രു​ടെ നി​ർ​ദേ​ശ​പ്ര​കാ​രം ജ​മ്മു കാ​ഷ്മീ​രി​ലെ സ്കൂ​ളു​ക​ളും കോ​ള​ജു​ക​ളും അ​ട​ച്ചി​ട്ടി​രി​ക്കു​ക​യാ​ണെ​ന്ന് പോ​ലീ​സ് പ​റ​ഞ്ഞു. സ്ഥി​തി​ഗ​തി​ക​ൾ നി​യ​ന്ത്ര​ണ​വി​ധേ​യ​മാ​ണ്. ശ്രീ​ന​ഗ​ർ ജി​ല്ല​യി​ൽ വ​ൻ നി​യ​ന്ത്ര​ണ​ങ്ങ​ളു​ണ്ട്. എ​വി​ടെ​യും അ​നി​ഷ്ട സം​ഭ​വ​ങ്ങ​ളൊ​ന്നും റി​പ്പോ​ർ​ട്ട് ചെ​യ്തി​ട്ടി​ല്ലെ​ന്നും ശ്രീ​ന​ഗ​ർ ഡെ​പ്യൂ​ട്ടി ക​മ്മീ​ഷ​ണ​ർ ഷാ​ഹി​ദ് ഇ​ക്ബാ​ൽ ചൗ​ധ​രി പ​റ​ഞ്ഞു. എന്നാൽ ടെലിഫോൺ, ഇന്‍റർനെറ്റ്, കേബിൾ ടിവി സർവീസുകൾ നിർത്തിവച്ചിരിക്കുന്നതിനാൽ താഴ്‌വാരയിലെ വാർത്തകൾ ഒന്നും പുറത്തുവരുന്നില്ല.

കി​ഷ്ത്വാ​ർ, രജൗ​രി ജി​ല്ല​ക​ളി​ലും രാം​ബാ​ൻ ജി​ല്ല​യി​ലെ ബ​നി​ഹാ​ൽ പ്ര​ദേ​ശ​ത്തും അ​ധി​കൃ​ത​ർ ക​ർ​ഫ്യൂ ഏ​ർ​പ്പെ​ടു​ത്തി. ജ​മ്മു​വി​ലെ​യും ശ്രീ​ന​ഗ​റി​ലെ​യും പ​ല ജി​ല്ല​ക​ളി​ലും നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യി​ട്ടു​ണ്ടെ​ന്നും അ​ധി​കൃ​ത​ർ കൂ​ട്ടി​ച്ചേ​ർ​ത്തു.