ഭുവനേശ്വര്‍: കേരള ബ്ലാസ്റ്റേഴ്സിന്‍റെ ആരാധകരുടെ പ്രാര്‍ത്ഥന ഫലിച്ചു. ഭുവനേശ്വറിലെ കലിംഗ സ്റ്റേഡിയത്തില്‍ നടന്ന ഹീറോ ഇന്ത്യന്‍ സൂപ്പര്‍ ലീഗില്‍ ജംഷഡ്പുര്‍ എഫ്സിയെ എതിരില്ലാത്ത രണ്ട് ഗോളുകള്‍ക്ക് ബംഗളൂരു എഫ്സി തോല്‍പ്പിച്ചു. മിക്കു(23), സുനില്‍ ഛേത്രി(34) എന്നിവരാണ് ബംഗളൂരുവിന് വേണ്ടി ഗോള്‍ നേടിയത്.
ഇതോടെ 17 കളികളില്‍ നിന്നും 26 പോയിന്‍റുമായി ജംഷഡ്പുര്‍ എഫ്സി നാലാം സ്ഥാനത്ത് തന്നെ തുടരുകയാണ്. 25 പോയിന്‍റുമായി ബ്ലാസ്റ്റേഴ്സ് തൊട്ടു താഴെ സ്ഥാനം പിടിച്ചിട്ടുണ്ട്. രണ്ട് പേര്‍ക്കും ബാക്കിയുള്ളത് ഓരോ കളികള്‍ വീതം. കരുത്തരായ ബംഗളൂരുവിനെ തോല്‍പ്പിച്ചാലേ ബ്ലാസ്റ്റേഴ്‌സിനു സെമി പ്രതീക്ഷകൾ നിലനിർത്താനാകൂ.
ഐഎസ്എൽ പോയിന്റ് നില
ടീം, മത്സരം, ജയം, സമനില, തോൽവി, പോയിന്റ്
ബംഗളൂരു 17 12 1 4 37പൂന 17 9 2 6 29ചെന്നൈയിൻ 17 8 5 4 29ജംഷഡ്പുർ 17 7 5 5 26കേരള ബ്ലാസ്റ്റേഴ്സ് 17 6 7 4 25ഗോവ 16 7 3 6 24മുംബൈ 16 7 2 7 23ഡൽഹി 16 4 3 9 15എടികെ 16 3 4 9 13നോർത്ത് ഈസ്റ്റ് 17 3 2 12 11
