കോഴിക്കോട്: കോഴിക്കോട് റെയില്‍വേ സ്റ്റേഷന് പരിസരത്തെ റെയില്‍വേ പോലീസ് സ്റ്റേഷന് ഇനി മുതല്‍ ജനമൈത്രി പോലീസ് സ്റ്റേഷന് . കേരളത്തിലെ മുഴുവന്‍ പോലീസ് സ്റ്റേഷനും ജനമൈത്രി സ്റ്റേഷനാക്കുന്നതിന്‍റെ ഭാഗമായാണ് പോലീസ് സ്റ്റേഷനും ജനമൈത്രിയാക്കിയത്.
റെയില്‍വേ പാലക്കാട് ഡിവൈഎസ്പി എ.ഷറഫുദ്ദീന്‍ ഉദ്ഘാടനം ചെയ്തു.ഇന്‍സ്‌പെക്ടര്‍ കെ.വിവേകാനന്ദന്‍ അധ്യക്ഷതവഹിച്ചു. സംസ്ഥാനത്തെ രണ്ടാമത്തെ ജനമൈത്രി റെയില്‍വേ പോലീസ് സ്റ്റേഷനാണിത്.
റെയില്‍വേ സ്റ്റേഷന് ഡയറക്ടര്‍ പി.മൊയ്തീന്‍ കുട്ടി, സറ്റേഷന്‍ മാനേജര്‍ കെ.വി.വിജയകുമാര്‍ ,ഡെപ്യൂട്ടിമാനേജര്‍ കെ.വി. പ്രമോദ് കുമാര്‍ , ചീഫ് കൊമേഴ്‌സ്യല്‍ ഇന്‍സ്‌പെക്ടര്‍ ശ്യാം ശശിധരന്‍ , ആര്‍പിഎഫ് സബ് ഇന്‍സ്‌പെക്ടര്‍ നിഷാന്ത്, ആര്‍പിഎസ്‌ഐ പി.ജംഷിദ് എന്നിവര്‍ പ്രസംഗിച്ചു.
