ജ​ന​മൈ​ത്രി പോ​ലീ​സ് ഇടപെട്ടു! ഓ​ല​ക്കു​ടി​ലി​ൽ അ​ന്തി​യു​റ​ങ്ങി​യി​രു​ന്ന വ​യോ​ധി​കയ്​ക്കു വീടായി

ക​യ്പ​മം​ഗ​ലം: ഓ​ല​ക്കു​ടി​ലി​ൽ അ​ന്തി​യു​റ​ങ്ങി​യി​രു​ന്ന വ​യോ​ധി​ക​യ്ക്കു ക​യ്പ​മം​ഗ​ലം ജ​ന​മൈ​ത്രി പോ​ലീ​സി​ന്‍റെ നേ​തൃ​ത്വ​ത്തി​ൽ വീ​ടൊ​രു​ങ്ങു​ന്നു.

കൂ​രി​ക്കു​ഴി ക​ന്പ​നി​ക്ക​ട​വ് വ​ട​ക്ക് ച​ക്ക​മ​ഠ​ത്തി​ൽ പ​രേ​ത​നാ​യ അ​ബ്ദു​ൾ റ​ഹ്മാ​ന്‍റെ ഭാ​ര്യ ഫാ​ത്തി​മ​ക്കാ​ണ് വീ​ട് നി​ർ​മി​ച്ച് ന​ൽ​കു​ന്ന​ത്. ജ​ന​മൈ​ത്രി പോ​ലീ​സി​ന്‍റെ വി​വി​ധ പ്ര​വ​ർ​ത്ത​ന​ങ്ങ​ൾ​ക്കി​ട​യി​ലാ​ണ് ക​ന്പ​നി​ക്ക​ട​വ് ക​ട​പ്പു​റ​ത്ത് താ​മ​സി​ക്കു​ന്ന ഫാ​ത്തി​മ​യു​ടെ വീ​ട് എ​സ്ഐ ജ​യേ​ഷ് ബാ​ല​ന്‍റെ ശ്ര​ദ്ധ​യി​ൽ​പ്പെ​ടു​ന്ന​ത്.

നാ​ല് തൂ​ണി​ൽ ഓ​ല​മേ​ഞ്ഞ വീ​ട്ടി​ൽ ത​നി​ച്ചാ​ണ് ഫാ​ത്തി​മ താ​മ​സി​ച്ചി​രു​ന്ന​ത്. വി​വ​ര​ങ്ങ​ൾ അ​ന്വേ​ഷി​ച്ച​പ്പോ​ഴാ​ണ് വീ​ട് വെ​ക്കാ​ൻ മ​റ്റു മാ​ർ​ഗ​ങ്ങ​ളി​ല്ലെ​ന്ന് അ​റി​ഞ്ഞ​ത്.

ക​ട​ലി​നോ​ട് അ​ടു​ത്ത് താ​മ​സി​ക്കു​ന്ന​തി​നാ​ൽ സ​ർ​ക്കാ​രി​ന്‍റെ ഭ​വ​ന പ​ദ്ധ​തി​ക​ളി​ലും ഫാ​ത്തി​മ​യ്ക്ക് ഇ​ടം നേ​ടാ​നാ​യി​ല്ല. ഇ​ത് മ​ന​സി​ലാ​ക്കി​യ​തോ​ടെ ഫാ​ത്തി​മ​ക്ക് വീ​ടൊ​രു​ക്കാ​ൻ പോ​ലീ​സ് മു​ന്നി​ട്ടി​റ​ങ്ങു​ക​യാ​യി​രു​ന്നു.

ആ​സാ ഗ്രൂ​പ്പ് എംഡി ​സി.​പി. സാ​ലി​ഹി​നെ വി​വ​ര​മ​റി​യി​ച്ച​പ്പോ​ൾ വീ​ട് നി​ർ​മാ​ണം അ​വ​ർ ഏ​റ്റെ​ടു​ത്തു. നാലുല​ക്ഷം രൂ​പ ചെല​വി​ട്ട് 390 ച​തു​ര​ശ്ര അ​ടി​യി​ലാ​ണ് വീ​ട് നി​ർ​മി​ക്കു​ന്ന​ത്.

ഏ​പ്രി​ൽ ആ​ദ്യ​വാ​ര​ത്തോ​ടെ നി​ർ​മാ​ണം പൂ​ർ​ത്തി​യാ​ക്കി വീ​ട് ഫാ​ത്തി​മ​ക്ക് കൈ​മാ​റും. ഇന്നലെ രാ​വി​ലെ ന​ട​ന്ന ച​ട​ങ്ങി​ൽ സാ​മൂ​ഹ്യ പ്ര​വ​ർ​ത്ത​ക​ൻ നൗ​ഷാ​ദ് ആ​റ്റു​പ​റ​ന്പ​ത്ത്, എഎ​സ്ഐ കെ.​എ​സ്.​അ​ബ്ദു​ൾ സ​ലാം എ​ന്നി​വ​ർ ചേ​ർ​ന്ന് വീ​ടി​നു ത​റ​ക്ക​ല്ലി​ട്ടു.

പോ​ലീ​സ് ഉ​ദ്യോ​ഗ​സ്ഥ​ത​രാ​യ ഗോ​പ​ൻ, വി​ജ​യ​ശ്രീ, സു​രേ​ന്ദ്ര​ൻ, രാ​ഹു​ൽ രാ​ജ്, ജ​ന​മൈ​ത്രി അം​ഗ​ങ്ങ​ളും ച​ട​ങ്ങി​ൽ പ​ങ്കെ​ടു​ത്തു.

ഒ​ന്ന​രവ​ർ​ഷം മു​ന്പാ​ണ് മ​തി​ല​കം പോ​ലീ​സ് സ്റ്റേ​ഷ​ൻ വി​ഭ​ജി​ച്ച് ക​യ്പ​മം​ഗ​ലം പോ​ലീ​സ് സ്റ്റേ​ഷ​ൻ പ്ര​വ​ർ​ത്ത​നം ആ​രം​ഭി​ച്ച​ത്. ഇ​തി​നി​ടെ മൂ​ന്ന് നി​ർ​ധ​ന കു​ടും​ബ​ങ്ങ​ൾ​ക്ക് ക​യ്പ​മം​ഗ​ലം പോ​ലീ​സ് വീ​ട് നി​ർ​മി​ച്ച് ന​ൽ​കി.