അ​​​ക്കൗ​​​ണ്ടി​​​ൽ ഉ​​​ണ്ടാ​​​യി​​​രു​​​ന്ന​​​ത് ആ​​​കെ 2,00850 രൂ​​​പ! വാ​ക്സി​ൻ നി​ധി​യി​ലേ​ക്ക് ര​ണ്ടു​ല​ക്ഷം ന​ൽ​കി​യ ബീ​ഡി​ത്തൊ​ഴി​ലാ​ളി ഇ​വി​ടെ​യു​ണ്ട്; ജ​​​നാ​​​ർ​​​ദ​​​നന് ചിലത് പറയാനുണ്ട്‌ ​​​

ക​​​ണ്ണൂ​​​ർ: അ​​​ക്കൗ​​​ണ്ടി​​​ൽ ഉ​​​ണ്ടാ​​​യി​​​രു​​​ന്ന​​​ത് ആ​​​കെ 2,00850 രൂ​​​പ. ഇ​​​തി​​​ൽ ര​​​ണ്ടു ല​​​ക്ഷം രൂ​​​പ​​​യും മു​​​ഖ്യ​​​മ​​​ന്ത്രി​​​യു​​​ടെ വാ​​​ക്സി​​​ൻ ദു​​​രി​​​താ​​​ശ്വാ​​​സ​​​നി​​​ധി​​​യി​​​ലേ​​​ക്കു ന​​​ൽ​​​കി.

ക​​​ണ്ണൂ​​​ർ കു​​​റു​​​വ സ്വ​​​ദേ​​​ശി ജ​​​നാ​​​ർ​​​ദ​​​ന​​​നാ​​​ണ് ത​​​ന്‍റെ ജീ​​​വി​​​ത​​​കാ​​​ല​​​ത്ത് ബീ​​​ഡി തെ​​​റു​​​ത്തു സ​​​മ്പാ​​​ദി​​​ച്ച പ​​​ണം മു​​​ഖ്യ​​​മ​​​ന്ത്രി​​​യു​​​ടെ വാ​​​ക്സി​​​ൻ ച​​​ല​​​ഞ്ചി​​​ലേ​​​ക്ക് സം​​​ഭാ​​​വ​​​ന ന​​​ൽ​​​കി​​​യ​​​ത്.

കേ​​​ര​​​ള ബാ​​​ങ്ക് ക​​​ണ്ണൂ​​​ർ ശാ​​​ഖ​​​യി​​​ലെ ഉ​​​ദ്യോ​​​ഗ​​​സ്ഥ​​​നാ​​​യ സി.​​​പി. സൗ​​​ന്ദ​​​ർ​​​രാ​​​ജി​​​ന്‍റെ ഫേ​​​സ്ബു​​​ക്കി​​ൽ പ​​ങ്കു​​വ​​ച്ച കു​​​റി​​​പ്പി​​​ലൂ​​​ടെ​​​യാ​​​ണ് ല​​​ക്ഷ​​​ങ്ങ​​​ൾ സം​​​ഭാ​​​വ​​​ന ന​​​ൽ​​​കി​​​യ ബീ​​​ഡി​​​ത്തൊ​​​ഴി​​​ലാ​​​ളി​​​യെ​​​ക്കു​​​റി​​​ച്ച് പു​​​റം​​​ലോ​​​ക​​​മ​​​റി​​​ഞ്ഞ​​​ത്.

തു​​​ട​​​ർ​​​ന്ന് ഇ​​​ദ്ദേ​​​ഹ​​​ത്തെ ക​​​ണ്ടെ​​​ത്താ​​​നാ​​​യി മാ​​​ധ്യ​​​മ​​​ങ്ങ​​​ളു​​​ടെ ശ്ര​​​മം. ഇ​​​ന്ന​​​ലെ രാ​​​വി​​​ലെ​​​യോ​​​ടെ​​​യാ​​​ണ് ആ​​​ളെ ക​​​ണ്ടെ​​​ത്തി​​​യ​​​ത്.

ക​​​ഴി​​​ഞ്ഞ​​​ദി​​​വ​​​സം ജ​​നാ​​ർ​​ദ​​ന​​ൻ ക​​​ണ്ണൂ​​​രി​​​ലെ കേ​​​ര​​​ള ബാ​​​ങ്ക് ശാ​​​ഖ​​​യി​​​ലെ​​​ത്തി പാ​​​സ് ബു​​​ക്ക് ന​​​ൽ​​​കി അ​​​ക്കൗ​​​ണ്ടി​​​ൽ എ​​​ത്ര പ​​​ണ​​​മു​​​ണ്ടെ​​​ന്ന് തി​​​ര​​​ക്കു​​​ക​​​യും അ​​​തി​​​ലു​​​ണ്ടാ​​​യി​​​രു​​​ന്ന ര​​​ണ്ടു ല​​​ക്ഷം രൂ​​​പ മു​​​ഖ്യ​​​മ​​​ന്ത്രി​​​യു​​​ടെ വാ​​​ക്സി​​​ൻ ച​​​ല​​​ഞ്ചി​​​ലേ​​​ക്ക് ന​​​ൽ​​​കു​​​ക​​​യും ചെ​​​യ്തി​​​രു​​​ന്നു.

ഭി​​​ന്ന​​​ശേ​​​ഷി​​​ക്കാ​​​ര​​​നാ​​​യ ഇ​​​ദ്ദേ​​​ഹം ര​​​ണ്ടു ല​​​ക്ഷം രൂ​​​പ സം​​​ഭാ​​​വ​​​ന ചെ​​​യ്യു​​​ന്നു​​​വെ​​​ന്നു പ​​​റ​​​ഞ്ഞ​​​പ്പോ​​​ൾ ബാ​​​ങ്ക് ജീ​​​വ​​​ന​​​ക്കാ​​​ർ ആ​​​ദ്യ​​​മൊ​​​ന്നു ഞെ​​​ട്ടി.

ഇ​​​തു മു​​​ഴു​​​വ​​​ൻ സം​​​ഭാ​​​വ​​​ന ന​​​ൽ​​​കി​​​യാ​​​ൽ ചേ​​​ട്ട​​​ന് ജീ​​​വി​​​ക്കാ​​​ൻ വേ​​​റെ വ​​​രു​​​മാ​​​നം ഉ​​​ണ്ടാ​​​കു​​​മോ​​​യെ​​​ന്ന് ചോ​​​ദി​​​ച്ച​​​പ്പോ​​​ൾ, 35 വ​​​ർ​​​ഷം ദി​​​നേ​​​ശി​​​ൽ ജോ​​​ലി​​​ചെ​​​യ്ത​​​യാ​​​ളാ​​​ണ് താ​​​നെ​​​ന്നും ഇ​​​പ്പോ​​​ഴും വീ​​​ട്ടി​​​ലി​​​രു​​​ന്ന് ബീ​​​ഡി തെ​​​റു​​​ക്കാ​​​റു​​​ണ്ടെ​​​ന്നും ഇ​​​തി​​​ൽ​​നി​​​ന്ന് ആ​​​യി​​​രം രൂ​​​പ​​​യോ​​​ളം ല​​​ഭി​​​ക്കു​​​ന്നു​​​ണ്ടെ​​​ന്നും കൂ​​​ടാ​​​തെ വി​​​ക​​​ലാം​​​ഗ പെ​​​ൻ​​​ഷ​​​നും ല​​​ഭി​​​ക്കു​​​ന്നു​​​ണ്ടെ​​​ന്നു​​മാ​​യി​​രു​​ന്നു ജ​​നാ​​ർ​​ദ​​ന​​ന്‍റെ മ​​റു​​പ​​ടി.

ത​​​ന്‍റെ​​​യും ഭാ​​​ര്യ​​​യു​​​ടെ​​​യും ഗ്രാ​​​റ്റു​​​വി​​​റ്റി​​​യൊ​​​ക്കെ ചേ​​​ർ​​​ന്ന തു​​​ക​​​യാ​​​യി​​​രു​​​ന്നു ബാ​​​ങ്കി​​​ലു​​​ണ്ടാ​​​യി​​​രു​​​ന്ന​​​തെ​​​ന്നും ആ ​​​തു​​​ക​​​യാ​​​ണ് വാ​​​ക്സി​​​ൻ ച​​​ല​​​ഞ്ചി​​​ന്‍റെ ഭാ​​​ഗ​​​മാ​​​യി സം​​​ഭാ​​​വ​​​ന ചെ​​​യ്ത​​​തെ​​​ന്നും ജ​​​നാ​​​ർ​​​ദ​​​ന​​​ൻ പ​​​റ​​​ഞ്ഞു. പ​​​ണം ന​​​ൽ​​​കി​​​യ​​​കാ​​​ര്യം ആ​​​രോ​​​ടും പ​​​റ​​​യ​​​രു​​​തെ​​​ന്ന് ഉ​​​ദ്യോ​​​ഗ​​​സ്ഥ​​​രോ​​​ട് പ​​​റ​​​ഞ്ഞി​​​രു​​​ന്ന​​​താ​​​യും അ​​​ദ്ദേ​​​ഹം വ്യ​​​ക്ത​​​മാ​​​ക്കി.

“”ഞാ​​​നൊ​​​രു വി​​​ക​​​ലാം​​​ഗ​​​നാ​​​ണ്. പ​​​ണ്ടേ എ​​​ന്നി​​​ലാ​​​യി ഒ​​​തു​​​ങ്ങി​​​നി​​​ൽ​​​ക്കു​​​ന്ന​​​യാ​​​ളാ​​​ണ് ഞാ​​​ൻ. അ​​​തു​​​കൊ​​​ണ്ടാ​​​ണ് പു​​​റ​​​ത്താ​​​രും അ​​​റി​​​യേ​​​ണ്ടെ​​​ന്നു പ​​​റ​​​ഞ്ഞ​​​ത്.

കേ​​​ര​​​ള​​​ത്തി​​​ലു​​​ള്ള എ​​​ല്ലാ​​​വ​​​രും മ​​​ന​​​സു​​​വ​​​ച്ചാ​​​ൽ വാ​​​ക്സി​​​ൻ ച​​​ല​​​ഞ്ച് എ​​​ന്ന​​​ത് ഒ​​​രു നി​​​സാ​​​ര​​​കാ​​​ര്യ​​​മാ​​​ണ്.

അ​​​ത്ര​​​യും സ​​​മ്പ​​​ത്തും ക​​​ഴി​​​വും വി​​​ദ്യാ​​​ഭ്യാ​​​സ​​​വു​​​മൊ​​​ക്കെ​​​യു​​​ള്ള ജ​​​ന​​​ങ്ങ​​​ളാ​​​ണ് മ​​​ല​​​യാ​​​ളി​​​ക​​ൾ. മു​​​ഖ്യ​​​മ​​​ന്ത്രി ഒ​​​രു വാ​​​ക്ക് പ​​​റ​​​ഞ്ഞി​​​രു​​​ന്നു, വാ​​​ക്സി​​​ൻ സൗ​​​ജ​​​ന്യ​​​മാ​​​യി കൊ​​​ടു​​​ക്കു​​​മെ​​​ന്ന്. കേ​​​ന്ദ്ര​​​സ​​​ർ​​​ക്കാ​​​ർ വാ​​​ക്സി​​​ന് വി​​​ല നി​​​ശ്ച​​​യി​​​ച്ച​​​ല്ലോ.

അ​​​ത് മൊ​​​ത്തം ആ​​​ലോ​​​ചി​​​ച്ചു​​​നോ​​​ക്കു​​​മ്പോ​​​ൾ ന​​​മ്മു​​​ടെ കേ​​​ര​​​ള​​​ത്തി​​​ന് താ​​​ങ്ങാ​​​ൻ പ​​​റ്റു​​​ന്ന​​​തി​​​ൽ അ​​​പ്പു​​​റ​​​മാ​​​ണ് ആ ​​​വി​​​ല. മു​​​ഖ്യ​​​മ​​​ന്ത്രി​​​ക്ക് ശ​​​ക്ത​​​മാ​​​യ പി​​​ന്തു​​​ണ കൊ​​​ടു​​​ക്കാ​​​നു​​​ള്ള നീ​​​ക്ക​​​ത്തി​​​ന്‍റെ ഭാ​​​ഗ​​​മാ​​​യി​​​ട്ടാ​​​ണ് താ​​​ൻ ഈ ​​​കാ​​​ര്യം ചെ​​​യ്ത​​​ത്.

സ്വ​​​ന്തം കാ​​​ര്യം മാ​​​ത്രം നോ​​​ക്കാ​​​തെ സ​​​മൂ​​​ഹ​​​ത്തി​​​നു​​​വേ​​​ണ്ടി​​​ക്കൂ​​​ടി കാ​​​ര്യ​​​ങ്ങ​​​ൾ ചെ​​​യ്യ​​​ണം. ഇ​​​ടു​​​ങ്ങി​​​യ ചി​​​ന്താ​​​ഗ​​​തി മാ​​​റ്റി വി​​​ശാ​​​ല​​​മാ​​​യി ചി​​​ന്തി​​​ക്ക​​​ണം എ​​​ന്നു മാ​​​ത്ര​​​മേ പൊ​​​തു​​​സ​​​മൂ​​​ഹ​​​ത്തോ​​​ടു പ​​​റ​​​യാ​​​നു​​​ള്ളൂ”- ഇ​​താ​​യി​​രു​​ന്നു ജ​​​നാ​​​ർ​​​ദ​​​ന​​​ന്‍റെ പ്ര​​തി​​ക​​ര​​ണം.