ടോക്കിയോ: മ്യാൻമറിന് പിന്നാലെ ജപ്പാനിലും ശക്തമായ ഭൂചലനം. ജപ്പാനിലെ ക്യുഷു മേഖലയിൽ ഇന്ത്യൻ സമയം ഇന്നലെ വൈകുന്നേരം 7.34ന് 6.0 തീവ്രത രേഖപ്പെടുത്തിയ ഭൂചലനമാണു രേഖപ്പെടുത്തിയത്.
നാശനഷ്ടങ്ങളുടെയോ ആളപായങ്ങളുടെയോ വിവരങ്ങൾ റിപ്പോർട്ട് ചെയ്തിട്ടില്ല. സുനാമി മുന്നറിയിപ്പുമില്ല. തുടർചലന സാധ്യതയുള്ളതിനാൽ ജാഗ്രത പാലിക്കാൻ പ്രാദേശിക ഭരണകൂടങ്ങൾ താമസക്കാർക്ക് നിർദേശം നൽകി.
ക്യുഷു ദ്വീപിലായിരുന്നു ഭൂകമ്പത്തിന്‍റെ പ്രഭവകേന്ദ്രം. ജപ്പാനിലെ മൂന്നാമത്തെ വലിയ ദ്വീപായ ക്യുഷു ഭൂകമ്പങ്ങൾക്കു കുപ്രസിദ്ധമാണ്.
