ഇരിങ്ങാലക്കുട: പാശ്ചാത്യ ബാലേ പരിശീലനത്തിലൂടെ നൃത്തരംഗത്ത് ചുവടുവച്ച ജാപ്പനീസ് കലാകാരി കെയ്‌കൊ ഒകാനൊ ഒരു സന്പൂർണ മോഹിനിയാട്ടം കച്ചേരി അവതരിപ്പിച്ചുകൊണ്ട ് ഈ കലയിൽ ഒൗപചാരിക അരങ്ങേറ്റം പൂർത്തിയാക്കുന്നു.
ഒന്പതു കൊല്ലം മുന്പ് മോഹിനിയാട്ടം ആചാര്യ നിർമല പണിക്കരുടെ ശിഷ്യത്വം സ്വീകരിച്ച് മോഹിനിയാട്ടം അതിന്‍റെ എല്ലാ ചിട്ടവട്ടങ്ങളോടുംകൂടി ആധികാരികമായി അഭ്യസിച്ചാണു കെയ്‌കൊ ഒകാനൊ അരങ്ങിലെത്തുന്നത്. ചൊൽകെട്ട്, ജതിസ്വരം, വർണം, പദം, തില്ലാന ശ്ലോകം, സപ്തം എന്നീ ഇനങ്ങളെല്ലാം ഉൾപ്പെടുത്തികൊണ്ട ് ജനുവരി 30 ന് 6.30 ന് ഇരിങ്ങാലക്കുട നടനകൈരളിയുടെ നാട്ടരങ്ങിലാണ് രംഗപ്രവേശം ചെയ്യുന്നത്.
മോഹിനിയാട്ടത്തിനു പുറമെ നാട്യാചാര്യൻ വേണുജിയുടെ കീഴിൽ നവരസസാധനയും പ്രശസ്ത കൂടിയാട്ടം കലാകാരി കപില വേണുവിന്‍റെ കീഴിൽ അഭിനയ പരിശീലനവും നേടികൊണ്ട ാണ് കെയ്കൊയുടെ അരങ്ങേറ്റത്തിനുള്ള തയാറെടുപ്പ്. ഗുരു സദനം കൃഷ്ണൻകുട്ടി മുഖ്യാതിഥിയായി പങ്കെടുക്കുന്ന ചടങ്ങിൽ കലാ പണ്ഡിതനായ ദിലീപ്കുമാർ വർമ പ്രസംഗിക്കും.
നീലംപേരൂർ സുരേഷ്കുമാർ വായ്പ്പാട്ടിലും കലാനിലയം പ്രകാശൻ മദ്ദളവാദനത്തിലും കലാനിലയം രാമകൃഷ്ണൻ ഇടക്കയിലും മുരളികൃഷ്ണൻ വീണയിവും സാന്ദ്ര പിഷാരടി നാട്ടുവാങ്കത്തിലും പശ്ചാത്തലമേളം നൽകും.
