ബോളിവുഡ് കാത്തിരിക്കുകയാണ് ജാക്വലിന്‍റെ ഡാൻസ് കാണാൻ. റേസ്, റേസ് 2 ഭാഗങ്ങൾ ഹിറ്റായ ശേഷമെത്തുന്ന റേസ് 3യിൽ നായിക ശ്രീലങ്കൻ സുന്ദരി ജാക്വലിൻ ഫെർണാണ്ടസാണ്. പോൾ ഡാൻസ് അറിയാവുന്നതു കൊണ്ടാണ് താരത്തെ ചിത്രത്തിലേക്ക് തെരഞ്ഞടുത്തത്.
നടിയുടെ ഡാൻസ് ഈ സിനിമയ്ക്ക് പ്രയോജനം ചെയ്യുന്ന തരത്തിൽ ഉൾപ്പെടുത്താനുള്ള ഒരുക്കത്തിലാണ് അണിയറ പ്രവര്‍ത്തകര്‍. റേസ് 3യിലെ പാട്ട് രംഗത്തിലാവും ജാക്വിലിന്‍റെ ഡാൻസ് പ്രകടനം കാണാൻ കഴിയുക. കൊറിയോഗ്രാഫറായ റേമോ ഡിസൂസയാണ് സിനിമ സംവിധാനം ചെയ്യുന്നത്. സിനിമയില്‍ നായകനായി എത്തുന്നത് സല്‍മാന്‍ ഖാനാണ്.
