ബോളിവുഡ് താരം ജയ ബച്ചനും ചെറുമകൾ നവ്യ നവേലി നന്ദയും തമ്മിൽ വളരെയധികം അടുപ്പം സൂക്ഷിക്കുന്നു.
നവ്യയെ കുറിച്ച് ജയ പലപ്പോഴും വാചാലയാകാറുണ്ട്. ഇപ്പോഴിതാ ജയാ ബച്ചൻ കൊച്ചുമകൾക്ക് നൽകിയ ചില ഉപദേശങ്ങളാണ് വൈറലാകുന്നത്.
ചെറുമകൾ നവ്യ നവേലി നന്ദയുടെ പോഡ്‌കാസ്റ്റായ വാട്ട് ദ ഹെൽ നവ്യയിൽ സംസാരിക്കുന്നതിനിടയിലാണ് ജയാ ബച്ചൻ ബന്ധങ്ങളെപ്പറ്റിയുള്ള ധീരമായ ഉപദേശം നൽകിയത്.
ഏതൊരു ബന്ധവും ദീർഘകാലം നിലനിൽക്കാൻ ശാരീരിക ആകർഷണം വളരെ പ്രധാനമാണെന്ന് ജയ ബച്ചൻ പറഞ്ഞു. തന്റെ കാലത്ത് അത്തരം പരീക്ഷണങ്ങൾ നടത്തിയിട്ടില്ല എന്നും ജയ പറഞ്ഞു.
ഒരു ബന്ധത്തിൽ ശാരീരിക ബന്ധം അനിവാര്യമാണെന്ന് ജയ ബച്ചൻ പറഞ്ഞു. പ്രണയം, അഡ്ജസ്റ്റ്മെന്റ് എന്നിവയിൽ മാത്രം ഒരു ബന്ധവും നിലനിൽക്കില്ല.
വിവാഹം കഴിക്കാതെ നവ്യ നവേലി അമ്മയായാൽ തനിക്ക് അതിൽ പ്രശ്‌നമില്ലെന്നും ജയ ബച്ചൻ പറഞ്ഞു.
യുവതലമുറയുടെ ബന്ധങ്ങളെക്കുറിച്ചും ജയ ബച്ചൻ വിശദീകരിച്ചു. പലരും ഞാൻ പറയുന്നതിനെ എതിർക്കും, എന്നാൽ ശാരീരിക ആകർഷണവും അനുയോജ്യതയും വളരെ പ്രധാനമാണ്.
നമ്മുടെ കാലത്ത് നമുക്ക് പരീക്ഷിക്കാൻ കഴിഞ്ഞില്ല, എന്നാൽ ഇന്നത്തെ തലമുറ അത് ചെയ്യുന്നു, എന്തുകൊണ്ട്?
ശാരീരിക ബന്ധമില്ലെങ്കിൽ ഒരു ബന്ധവും അധികകാലം നിലനിൽക്കില്ല. സ്‌നേഹം, ഫ്രഷ് എയർ, അഡ്ജസ്റ്റ്മെന്റ് എന്നിവയിൽ മാത്രം നിങ്ങൾക്ക് ഒരു ബന്ധം തുടർന്നുപോകാൻ കഴിയില്ല.
ഇത് വളരെ പ്രധാനമാണെന്നാണ് ഞാൻ വിശ്വസിക്കുന്നത്.
ഞങ്ങൾക്ക് ഒരിക്കലും ഇത് ചെയ്യാൻ കഴിഞ്ഞിരുന്നില്ല. ഞങ്ങൾക്ക് അതിനെക്കുറിച്ച് ചിന്തിക്കാൻ പോലും കഴിഞ്ഞിരുന്നില്ല.
പക്ഷേ എനിക്ക് ശേഷം വാണ യുവതലമുറകളായ ശ്വേതയുടെയും നവ്യയുടെയും തലമുറകൾ വ്യത്യസ്തരാണ്.
ഇന്നത്തെ ബന്ധങ്ങളിൽ വികാരങ്ങളുടെയും പ്രണയത്തിന്റെയും കുറവുണ്ട്. നിങ്ങളുടെ ഉറ്റ സുഹൃത്തിനെ നിങ്ങൾ വിവാഹം കഴിക്കണമെന്ന് ഞാൻ കരുതുന്നു.
നിങ്ങൾ നല്ല സുഹൃത്തുക്കളായിരിക്കണം. ഇത് നിങ്ങളുടെ സുഹൃത്തുക്കളുമായി ചർച്ച ചെയ്യണം. നിങ്ങൾക്ക് ഒരു സുഹൃത്തിനെ ഇഷ്ടമാണെങ്കിൽ, നിങ്ങൾ അവരോട് പറയണം – ‘ഞങ്ങൾക്ക് രണ്ടുപേർക്കും ഒരു കുഞ്ഞ് ജനിക്കണമെന്ന് ഞാൻ ആഗ്രഹിക്കുന്നു, കാരണം എനിക്ക് നിന്നെ ഇഷ്ടമാണ്.
നിനക്ക് ഇഷ്ടമാണെന്നു തോന്നുന്നു, നമുക്ക് കല്യാണം കഴിക്കാം, കാരണം സമൂഹം അതാണ് ആവശ്യപ്പെടുന്നത്.’- ജയാ ബച്ചൻ പറഞ്ഞു.
