പുതിയ ചിത്രത്തിന്‍റെ പോസ്റ്റർ ചുമരുകളിൽ പതിച്ച് സംവിധായകനും നായകനും. 21 ഗ്രാംസ് എന്ന ചിത്രത്തിന്‍റെ പോസ്റ്ററുകളാണ് അനൂപ് മേനോനും സംവിധായകൻ ബിബിന്‍ കൃഷ്ണയും ചുമരുകളിൽ പതിച്ചത്.
സിനിമയിൽ പ്രധാന വേഷം കൈകാര്യം ചെയ്ത ജീവ നൽകിയ ഒരു ചലഞ്ചിന്‍റെ ഭാഗമായാണ് ഇരുവരും പോസ്റ്ററുകൾ പതിച്ചത്.
കഴിഞ്ഞ ദിവസം രാത്രിയില്‍ തന്‍റെ പുതിയ ചിത്രത്തിന്‍റെ പോസ്റ്ററുകള്‍ ജീവയും സുഹൃത്തും കൂടി ചുമരുകളില്‍ പതിപ്പിച്ചിരുന്നു.
പോസ്റ്റര്‍ ഒട്ടിക്കുന്നതിന്‍റെ വീഡിയോ ജീവ തന്നെ പങ്കുവയ്ക്കുകയും ചെയ്തിരുന്നു. ഡിവൈഎസ്പി നന്ദകുമാര്‍ എന്ന കഥാപാത്രത്തിനെയാണ് അനൂപ് മേനോന്‍ ചിത്രത്തില്‍ അവതരിപ്പിക്കുന്നത്.
സൂപ്പര്‍ താരം പ്രഭാസ് അടക്കമുള്ളവരായിരുന്നു ചിത്രത്തിന് അഭിനന്ദനങ്ങളുമായി എത്തിയിരുന്നു.
ചിത്രത്തില്‍ ഇതുവരെ കാണാത്ത ലുക്കില്‍ യുവതാരം അനുമോഹനും എത്തുന്നുണ്ട്. രഞ്ജിത്തും രണ്‍ജി പണിക്കറും ഒന്നിച്ച് എത്തുന്നുവെന്ന പ്രത്യേകതയും ചിത്രം തരുന്നുണ്ട്. മാര്‍ച്ച് 18നാണ് ചിത്രം റിലീസ് ചെയ്യുന്നത്.
