ജെ​സ്ന തി​രോ​ധാ​ന​ക്കേ​സ്; ലോ​ഡ്ജ് ഉ​ട​മ​യു​ടെ​യു​ടെ​യും മു​ന്‍ ജീ​വ​ന​ക്കാ​രി​യു​ടെ​യും മൊ​ഴി സി​ബി​ഐ പ​രി​ശോ​ധി​ക്കു​ന്നു; ആ​വ​ശ്യ​മെ​ങ്കി​ൽ നു​ണ​പ​രി​ശോ​ധ​ന

കോ​ട്ട​യം: ജെ​സ്ന​യെ ലോ​ഡ്ജി​ല്‍ ക​ണ്ടെ​ന്ന വെ​ളി​പ്പെ​ടു​ത്ത​ല്‍ ന​ട​ത്തി​യ മു​ന്‍ ലോ​ഡ്ജ് ജീ​വ​ന​ക്കാ​രി പ​ന​യ്ക്ക​ച്ചി​റ സ്വ​ദേ​ശി ര​മ​ണി​യു​ടെ മൊ​ഴി സി​ബി​ഐ പ​രി​ശോ​ധി​ക്കു​ന്നു. ആ​വ​ശ്യ​മെ​ങ്കി​ല്‍ ഇ​വ​രെ നു​ണ പ​രി​ശോ​ധ​ന​യ്ക്കു വി​ധേ​യ​മാ​ക്കും. കേ​സു​മാ​യി ബ​ന്ധ​പ്പെ​ട്ടു മു​ന്‍ കാ​ല​ങ്ങ​ളി​ൽ നി​ര​വ​ധി വെ​ളി​പ്പെ​ടു​ത്ത​ലു​ക​ള്‍ ഉ​ണ്ടാ​യി​ട്ടു​ള്ള സാ​ഹ​ച​ര്യ​ങ്ങ​ള്‍ എ​ല്ലാ കാ​ര്യ​ങ്ങ​ളും സി​ബി​ഐ വി​ശ​ദ​മാ​യി പ​രി​ശോ​ധി​ക്കു​ന്നു​ണ്ട്.

മു​ണ്ട​ക്ക​യം ടി​ബി​യി​ല്‍ ഇ​ന്ന​ലെ സി​ബി​ഐ ഉ​ദ്യോ​ഗ​സ്ഥ​ർ മ​ണി​യി​ല്‍​നി​ന്നു വി​വ​ര​ങ്ങ​ൾ ചോ​ദി​ച്ച​റി​ഞ്ഞി​രു​ന്നു. 2018 മാ​ര്‍​ച്ച് 22നാ​ണ് ജെ​സ്ന​യെ കാ​ണാ​താ​കു​ന്ന​ത്. നാ​ലു വ​ര്‍​ഷ​ത്തി​നു​ശേ​ഷം വെ​ളി​പ്പെ​ടു​ത്ത​ല്‍ ന​ട​ത്തേ​ണ്ടി​വ​ന്ന​തി​ല്‍ കു​റ്റ​ബോ​ധ​മു​ണ്ടെ​ന്നും മു​ന്‍​പ് വെ​ളി​പ്പെ​ടു​ത്താ​ന്‍ ലോ​ഡ്ജ് ഉ​ട​മ ബി​ജു വ​ര്‍​ഗീ​സ് അ​നു​വ​ദി​ച്ചി​രു​ന്നി​ല്ലെ​ന്നും ഇ​വ​ര്‍ പ​റ​ഞ്ഞു.

പ​റ​യേ​ണ്ട​തെ​ല്ലാം സി​ബി​ഐ​യോ​ടു പ​റ​ഞ്ഞെ​ന്നും ശേ​ഷി​ക്കു​ന്ന​ത് കോ​ട​തി​യെ ബോ​ധ്യ​പ്പെ​ടു​ത്തു​മെ​ന്നും ര​മ​ണി മാ​ധ്യ​മ​ങ്ങ​ളോ​ടു പ​റ​ഞ്ഞു. ബി​ജു​വു​മാ​യി വ്യ​ക്തി​വി​രോ​ധം തീ​ര്‍​ക്കാ​ന​ല്ല ഇ​ത്ത​ര​ത്തി​ല്‍ ആ​രോ​പ​ണം ഉ​ന്ന​യി​ക്കു​ന്ന​തെ​ന്നും പ​റ​ഞ്ഞു.

ഈ​ട്ടി​ക്ക​ല്‍ ലോ​ഡ്ജി​ല്‍ ഏ​റെ​ക്കാ​ലം ജീ​വ​ന​ക്കാ​രി​യാ​യി​രു​ന്ന ഇ​വ​രെ അ​ടു​ത്ത​യി​ടെ ജോ​ലി​യി​ല്‍​നി​ന്നു മാ​റ്റി. ലോ​ഡ്ജ് ഉ​ട​മ ജാ​തി​പ്പേ​രു വി​ളി​ച്ച​താ​യി ആ​രോ​പി​ച്ച് കേ​സ് ന​ല്‍​കി​യ​തി​നു പി​ന്നാ​ലെ​യാ​ണ് ജെ​സ്ന​യു​മാ​യി ബ​ന്ധ​പ്പെ​ട്ട വി​വ​ര​ങ്ങ​ള്‍ ര​മ​ണി മാ​ധ്യ​മ​ങ്ങ​ള്‍​ക്കു ന​ല്‍​കി​യ​ത്.

ജെ​സ്ന തി​രോ​ധാ​ന​ത്തി​ല്‍ തു​ട​ര്‍ അ​ന്വേ​ഷ​ണം ന​ട​ത്താ​ന്‍ ര​ണ്ടു മാ​സ​മാ​യി സി​ബി​ഐ മു​ണ്ട​ക്ക​യം, എ​രു​മേ​ലി പ്ര​ദേ​ശ​ങ്ങ​ളി​ല്‍ ക്യാ​മ്പു ചെ​യ്യു​ന്നു​ണ്ട്, ലോ​ഡ്ജ് ജീ​വ​ന​ക്കാ​രി​യു​ടെ വെ​ളി​പ്പെ​ടു​ത്ത​ലി​ന്‍റെ അ​ടി​സ്ഥാ​ന​ത്തി​ലാ​ണ് ചൊ​വാ​ഴ്ച ബി​ജു വ​ര്‍​ഗീ​സി​നെ​യും ഇ​ന്ന​ലെ ര​മ​ണി​യെ​യും സി​ബി​ഐ വി​ളി​ച്ചു​വ​രു​ത്തി​യ​ത്.