മുക്കൂട്ടുത്തറയില്‍ ജെസ്‌ന മരിയയെ കാണാതായ സംഭവത്തില്‍ പ്രതികരണവുമായി പിതാവ് ജെയിംസ് രംഗത്ത്. തനിക്കെതിരേ ചിലര്‍ ആസൂത്രിതമായി നീങ്ങുന്നുവെന്ന സംശയമാണ് ജെയിംസ് രാഷ്ട്രദീപികഡോട്ട്‌കോമിന് അനുവദിച്ച അഭിമുഖത്തില്‍ പ്രകടിപ്പിക്കുന്നത്. തൊട്ടു മുമ്പുള്ള ദിവസങ്ങളില്‍ പിതാവ് സംശയനിഴലിലേക്ക് എന്ന തരത്തില്‍ മാധ്യമങ്ങളില്‍ വാര്‍ത്ത വന്നതില്‍ ജെയിംസ് അല്പം ദു:ഖിതനായിരുന്നു. മകള്‍ നഷ്ടപ്പെട്ട ഒരച്ഛന്റെ വേദന മനസിലാക്കണമെന്ന അപേക്ഷ ആ മുഖത്ത് പ്രകടമായിരുന്നു. എങ്കിലും ഞങ്ങളോട് വിശദമായി തന്നെ സംസാരിക്കാന്‍ അദേഹം തയാറായി.
