ദുരിതാശ്വാസ ക്യാമ്പുകളില്‍ ദുഖവും ആശങ്കയും മാത്രം പോരല്ലോ… അവര്‍ക്കും വേണം സന്തോഷം. ഇപ്പോള്‍ ദുരിതാശ്വാസ ക്യാമ്പില്‍ നിന്നുള്ള ഒരു ഡാന്‍സാണ് വൈറലാവുന്നത്. ക്യാമ്പില്‍ കുട്ടികളോടൊപ്പം ‘ജിമിക്കി കമ്മലി’നു ചുവടുവെക്കുകയാണ് ഒരു ചേച്ചി. വെട്ടിക്കല്‍ ബസേലിയോസ് വിദ്യാനികേതന്‍ സ്‌കൂളിലെ ക്യാമ്പില്‍ നിന്നാണ് ഈ തകര്‍പ്പന്‍ ഡാന്‍സ്. ചേരാനെല്ലൂര്‍ സ്വദേശി ആസിയ ബീവിയാണ് ഈ വീഡിയോയിലെ താരം.
ഏതായാലും ദുരിതാശ്വാസ ക്യാമ്പിലെ ഈ ഡാന്‍സ് ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുകയാണ്. നമ്മള്‍ ഒരുമിച്ചു നിന്നു കേരളത്തെ തിരിച്ചു പിടിക്കും. വളരെ പ്രതീക്ഷ നല്‍കുന്നതാണ് ഈ രംഗം എന്ന കുറിപ്പോടെയാണ് വിഡിയോ പലരും സമൂഹമാധ്യമങ്ങളിലൂടെ പങ്കുവയ്ക്കുന്നത്. ‘ജിമിക്കി കമ്മലി’നു ഈണമിട്ട സംഗീത സംവിധായകന്‍ ഷാന്‍ റഹ്മാനും ഈ വിഡിയോ പങ്കുവച്ചു. ‘ഒന്നും പറയാനില്ല. ഒരുപാട് സ്‌നേഹം’ എന്ന കുറിപ്പോടെയാണ് ഷാന്‍ ഈ വിഡിയോ പങ്കുവച്ചത്. കഴിഞ്ഞ കുറച്ചു ദിവസങ്ങളായി ഷാന്‍ റഹ്മാന്‍ അടക്കമുള്ളവര്‍ ദുരിതാശ്വാസ പ്രവര്‍ത്തനങ്ങളില്‍ സജീവമാണ്.
