അ​ടി​മൂ​ടി ദു​രൂ​ഹ​ത! സ്വർണമാലയും ബാഗും എവിടെ പോയി? അസ്ഥികൂടം കണ്ടെത്തിയ സംഭവം കൊലപാതകം ? സുഹൃത്തുക്കൾ പറയുന്നു, ‘അവനൊരു പാവമായിരുന്നു…’

കോ​ട്ട​യം: മ​റി​യ​പ്പ​ള്ളി​യി​ൽ സാ​ഹി​ത്യ പ്ര​വ​ർ​ത്ത​ക സ​ഹ​ക​ര​ണ​ സം​ഘ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള കാ​ടു​പി​ടി​ച്ചു കി​ട​ന്ന സ്ഥ​ല​ത്ത് അ​സ്ഥി​കൂ​ടം ക​ണ്ടെ​ത്തി​യ സം​ഭ​വ​ത്തി​ൽ അ​ടി​മൂ​ടി ദു​രൂ​ഹ​ത.

ക​ഴി​ഞ്ഞ വെ​ള്ളി​യാ​ഴ്ച​യാ​ണ് ജെ​സി​ബി ഉ​പ​യോ​ഗി​ച്ചു കാ​ട് വെ​ട്ടി​ തെ​ളി​ക്കു​ന്ന​തി​നി​ട​യി​ൽ മാം​സം അ​ഴു​കി​യ നി​ല​യി​ൽ അ​സ്ഥി​കൂ​ടം ക​ണ്ടെ​ത്തി​യ​ത്. പോ​ലീ​സ് ന​ട​ത്തി​യ പ​രി​ശോ​ധ​ന​യി​ൽ അ​സ്ഥി​കൂ​ട​ത്തി​നു സ​മീ​പ​ത്തു നി​ന്നും വ​സ്ത്ര​ങ്ങ​ൾ, പ​ഴ്സ്, ചെ​രു​പ്പ്, മൊ​ബൈ​ൽ ഫോ​ണ്‍ എ​ന്നി​വ ക​ണ്ടെ​ത്തി​യി​രു​ന്നു.

ഇ​വ പ​രി​ശോ​ധി​ച്ച​തി​ന്‍റെ അ​ടി​സ്ഥാ​ന​ത്തി​ൽ വൈ​ക്ക​ത്തു നി​ന്നും കാ​ണാ​താ​യ കു​മ​ര​കം ബാ​റി​ലെ ജീ​വ​ന​ക്കാ​ര​നാ​യ കു​ട​വെ​ച്ചൂ​ർ സ്വാ​മി​ക​ല്ല് വെ​ളു​ത്തേ​ട​ത്തു​ചി​റ​യി​ൽ ജി​ഷ്ണു (23)വി​ന്‍റേതാ​ണെന്ന് അസ്ഥികൂടമെന്ന് ബ​ന്ധു​ക്ക​ൾ തി​രി​ച്ച​റി​ഞ്ഞി​രു​ന്നു.

അ​സ്ഥി​കൂ​ടം ജി​ഷ്ണു​വിന്‍റേതാ​ണെ​ന്ന് ഉ​റ​പ്പി​ക്കു​ന്ന​തി​നാ​യി ഡി​എ​ൻ​എ പ​രി​ശോ​ധ​നാ ഫ​ലം ല​ഭി​ക്കേ​ണ്ട​തു​ണ്ട്. അ​തി​നു​ശേ​ഷം മാ​ത്ര​മേ അ​സ്ഥി​കൂ​ടം ബ​ന്ധു​ക്ക​ൾ​ക്കു വി​ട്ടു​ന​ല്കൂ.

സം​ഭ​വ​ത്തി​ൽ വി​ശ​ദ​മാ​യ അ​ന്വേ​ഷ​ണം ആ​വ​ശ്യ​പ്പെ​ട്ട് ബ​ന്ധു​ക്ക​ൾ കോ​ട്ട​യം ജി​ല്ലാ പോ​ലീ​സ് ചീ​ഫ് ജി. ​ജ​യ​ദേ​വി​നു പ​രാ​തി ന​ല്കി​യി​ട്ടു​ണ്ട്.

സുഹൃത്തുക്കൾ പറയുന്നു, ‘അവനൊരു പാവമായിരുന്നു…’

കോ​ട്ട​യം: കു​മ​ര​ക​ത്തെ ബാ​റി​ൽ ജി​ഷ്ണു​വി​നൊ​പ്പം ജോ​ലി ചെ​യ്തി​രു​ന്ന സു​ഹൃ​ത്തു​ക്ക​ൾ​ക്കു ജി​ഷ്ണു​വി​നെ​ക്കു​റി​ച്ചു പ​റ​യാ​ൻ ന​ല്ല​തു മാ​ത്രം.

സൗ​മ്യ​നും ശാ​ന്ത​ശീ​ല​നു​മാ​യി​രു​ന്ന ജി​ഷ്ണു ജീ​വ​നൊ​ടു​ക്കി​യെ​ന്നു വി​ശ്വ​സി​ക്കാ​ൻ സു​ഹൃ​ത്തു​ക്ക​ൾ​ക്ക് ക​ഴി​യു​ന്നി​ല്ല. സു​ഹൃ​ത്തു​ക്ക​ളു​മാ​യി വ​ഴ​ക്കു​ണ്ടാ​ക്കു​ക​യോ ദേ​ഷ്യ​പ്പെ​ട്ടു സം​സാ​രി​ക്കു​ക​യോ ചെ​യ്യാ​ത്ത പ്ര​കൃ​ത​ക്കാ​ര​നാ​ണ് ഇ​യാ​ൾ.

മി​ക്ക​പ്പോ​ഴും കൃ​ത്യ​സ​മ​യ​ത്ത് ജോ​ലി​ക്കെ​ത്തി മ​ട​ങ്ങു​ന്ന പ​തി​വു​കാ​ര​നു​മാ​യി​രു​ന്നു​വെ​ന്നു സു​ഹൃ​ത്തു​ക്ക​ൾ പ​റ​യു​ന്നു. വി​ശ​ദ​മാ​യി അ​ന്വേ​ഷ​ണം ന​ട​ത്തി സം​ഭ​വ​ത്തി​നു പി​ന്നി​ലെ യ​ഥാ​ർ​ഥ്യം പു​റ​ത്തു കൊ​ണ്ടു​വ​ര​ണ​മെ​ന്നാ​ണ് ഇ​വ​ർ​ക്കു പ​റ​യാ​നു​ള്ള​ത്.