അൽഫോണ്സ് പുത്രൻ സംവിധാനം ചെയ്യുന്ന തമിഴ് ചിത്രത്തിനു ശേഷം കാളിദാസ് ജയറാം ജീത്തു ജോസഫ് ചിത്രത്തിൽ നായകനായി എത്തും. ഈ വർഷം അവസാനത്തോടെ ചിത്രീകരണം ആരംഭിക്കുന്ന സിനിമയെ കുറിച്ച് ഫേസ്ബുക്ക് പേജിലൂടെയാണ് കാളിദാസ് അറിയിച്ചത്. ചിത്രത്തെ പറ്റി മറ്റ് വിവരങ്ങളൊന്നും പുറത്തുവിട്ടിട്ടില്ല.
പ്രണവ് മോഹൻലാൽ നായകനായി എത്തിയ ആദിയാണ് ജീത്തു ജോസഫ് അവസാനം സംവിധാനം ചെയ്ത ചിത്രം. എബ്രിഡ് ഷൈൻ സംവിധാനം ചെയ്ത പൂമരത്തിലൂടെയാണ് കാളിദാസ് മലയാള സിനിമയിൽ നായക കഥാപാത്രമായി അരങ്ങേറ്റം കുറിച്ചത്.
