പാരീസ്: ഫ്രഞ്ച് ഓപ്പണ്‍ ടെന്നീസ് പുരുഷ സിംഗിൾസിൽ സെർബിയയുടെ ലോക ഒന്നാം നന്പർ താരം നൊവാക് ജോക്കോവിച്ച് മൂന്നാം റൗണ്ടിൽ. സ്വിറ്റ്സർലൻഡിന്‍റെ റോജർ ഫെഡറർ, ജർമനിയുടെ അലക്സാണ്ടർ സ്വരേവ്, ഓസ്ട്രിയയുടെ ഡൊമിനിക് തീം, ജപ്പാന്‍റെ കെയ് നിഷികോരി തുടങ്ങിയവരും മൂന്നാം റൗണ്ടിൽ പ്രവേശിച്ചിട്ടുണ്ട്.
വനിതാ സിംഗിൽസിൽ ലോക ഒന്നാം നന്പർ താരമായ ജാപ്പനീസ് താരം നവോമി ഒസാക്ക, അമേരിക്കയുടെ വീനസ് വില്യംസ് തുടങ്ങിയവർ മൂന്നാം റൗണ്ടിൽ കടന്നു. വിക്ടോറിയ അസരെങ്കയെയാണ് ഒസാക്ക കീഴടക്കിയത്. സാമന്ത സ്റ്റോസർ രണ്ടാം റൗണ്ടിൽ പുറത്തായി.
