മമ്മൂട്ടി നായകനാകുന്ന പതിനെട്ടാം പടിയിലെ താരത്തിന്‍റെ ലുക്കിന് സോഷ്യൽമീഡിയയിൽ വൻ വരവേൽപ്പ്. ശങ്കർരാമകൃഷ്ണൻ സംവിധാനം ചെയ്യുന്ന ചിത്രത്തിൽ ജോണ് ഏബ്രഹാം പാലയ്ക്കൽ എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. മമ്മൂട്ടിയുടെ ഫേസ്ബുക്ക് പേജിൽ കൂടിയാണ് ചിത്രം പുറത്തു വിട്ടത്.
ഒന്നര ലക്ഷത്തിനോട് അടുത്ത് ലൈക്കാണ് ചിത്രം സ്വന്തമാക്കിയിരിക്കുന്നത്. ആഗസ്റ്റ് സിനിമാസിന്‍റെ ബാനറിലാണ് ചിത്രം നിർമിക്കുന്നത്. 60ൽ അധികം പുതുമുഖങ്ങൾ ചിത്രത്തിൽ അണിനിരക്കുന്നുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.
