പെണ്‍കുഞ്ഞുങ്ങളെ ജോളി വെറുത്തിരുന്നു, ആറുപേരുമായി ബന്ധം, ഷാജുവുമായുള്ള വിവാഹശേഷവും ജോളി ജീവിച്ചത് തന്നിഷ്ടമനുസരിച്ച്, ഷാജു എല്ലാം സഹിച്ചതോ പേടിപ്പിച്ചു നിര്‍ത്തിയതോ? പുറത്തുവരുന്നത് ഞെട്ടിക്കുന്ന വിവരങ്ങള്‍
കൂടത്തായി കൂട്ടക്കൊലപാതകക്കേസിലെ ഒന്നാം പ്രതി ജോളിക്ക് പെണ്‍കുട്ടികളോട് വെറുപ്പായിരുന്നുവെന്ന് റിപ്പോര്‍ട്ട്. ജോളി തന്നെ ക്രൈംബ്രാഞ്ചിനോട് ഇതു വെളിപ്പെടുത്തിയാതായാണു വിവരം.
അതേ സമയം ജോളി ഒന്നിലേറെ തവണ അബോര്‍ഷന്‍ ചെയ്തിട്ടുണ്ടെന്നും സൂചനയുണ്ട്. ജോളി ഗര്‍ഭചിദ്രം നടത്തിയ ക്ലിനിക്കില്‍ പോലീസ് പരിശോധന നടത്തിയിരുന്നു. എന്നാല്‍ ജോളി എന്തിനാണ് അബോര്‍ഷന്‍ ചെയ്തതെന്ന് വ്യക്തമായിട്ടില്ല.
പെണ്‍കുട്ടികളെ വെറുത്തിരുന്ന ജോളി ലിംഗനിര്‍ണയം നടത്തിയാണോ അബോര്‍ഷന്‍ ചെയ്തത്് അതോ അവിഹിത ബന്ധത്തിലുണ്ടായ ഗര്‍ഭമാണോ നശിപ്പിച്ചത് എന്നതിനെക്കുറിച്ചും ഇതുവരെ വ്യക്തത ആയിട്ടില്ല.
എന്തായാലും അബോര്‍ഷനുകള്‍ വിരല്‍ചൂണ്ടുന്നതും ജോളിയുടെ വഴിവിട്ട ജീവിതരീതിയിലേക്കാണ്. റോയിയുടെ സഹോദരിയുടെ മകളെ കൊലപ്പെടുത്താന്‍ ജോളി ശ്രമിച്ചുവെന്നും ആരോപണമുണ്ട്. മകളെ വായില്‍ നിന്നു നുരയും പതയും വന്ന നിലയില്‍ ആശുപത്രിയിലാക്കേണ്ട സാഹചര്യം ഉണ്ടായിരുന്നു. ഇതിനു പിന്നിലും ജോളിയാണോ എന്നാണ് ഇപ്പോള്‍ സംശയം ഉയര്‍ന്നിരിക്കുന്നത്.
റോയിയുടെ ഭാര്യയായിരിക്കെ തന്നെ ഷാജുവുമായി ബന്ധമുണ്ടായിരുന്നെന്ന് നേരത്തെ ആരോപണം ഉയര്‍ന്നിരുന്നു. കൊല്ലപ്പെട്ട റോയിയുടെ സഹോദരിയും ബന്ധുക്കളുമാണ് ഈ ആരോപണവുമായി രംഗത്തുവന്നത്.
ഷാജുവുമായുള്ള വിവാഹം വീട്ടുകാരുടെയും മറ്റുള്ളവരുടെയും എതിര്‍പ്പിനെ അവഗണിച്ചു നടത്തിയതും ഇരുവരും തമ്മില്‍ മുന്‍പേ ബന്ധമുണ്ടെന്നതിനു തെളിവായി ഇവര്‍ ചൂണ്ടിക്കാട്ടിയിരുന്നു. ഷാജുവിന്റെ ഭാര്യ സിലിയുടെ മരണം നടന്ന് ഒരു വര്‍ഷമാകുന്നതിനു മുന്‍പായിരുന്നു ഇരുവരുടെയും വിവാഹം.
ജോളി തന്നെയാണ് ഈ വിവാഹത്തിനു മുന്‍കൈയ്യെടുത്തത്. എന്നാല്‍ ഷാജുവുമായുള്ള വിവാഹത്തിനു ശേഷവും ജോളി പിന്തുടര്‍ന്നത് വഴിവിട്ട ജീവിതമായിരുന്നുവെന്നാണ് ഇപ്പോള്‍ ലഭിക്കുന്ന റിപ്പോര്‍ട്ടുകള്‍.
ഒരുപാടു ഫോണ്‍കോളുകള്‍ ജോളി ചെയ്യുമായിരുന്നു. എന്നാല്‍ താന്‍ നല്‍കിയ മുന്നറിയിപ്പുകളെ ജോളി അവഗണിച്ചിരുന്നുവെന്നും ഷാജു മൊഴി നല്‍കിയിട്ടുണ്ട്. കുടുംബത്തിന്റെ അഭിമാനമോര്‍ത്താണ് താന്‍ ഇതെല്ലാം സഹിച്ചതെന്നുമാണ് ഷാജുവിന്റെ മൊഴി.
എന്‍ഐടിയിലെ ലക്ചറര്‍ ആണെന്നായിരുന്നു ജോളി പറഞ്ഞിരുന്നത്. എന്‍ഐടിയുടെ വ്യാജ ഐഡികാര്‍ഡ് ധരിച്ചാണ് ജോളി വീട്ടില്‍ നിന്നു പുറത്തുപോയിരുന്നതെന്നും കണ്ടെത്തിയിട്ടുണ്ട്. ഇതിനു പുറമെ തന്റെ ജോലി തെളിയിക്കാനായി കൊളംബോയിലുള്ള റോയിയുടെ സഹോദരിക്ക് എന്‍ഐടിയുടെ വിലാസത്തില്‍ കത്തെഴുതുകയും മറുപടി അതേ വിലാസത്തില്‍ അയയ്ക്കണമെന്നു നിര്‍ബന്ധിക്കുകയും ചെയ്തു.
പോസ്റ്റ് ഓഫിസിലെത്തി തനിക്കു എന്‍ഐടിയുടെ വിലാസത്തില്‍ കത്ത് വന്നിട്ടുണ്ടോ എന്ന് ജോളി തിരക്കിയിരുന്നു. ജോളിയുടെ ഈ വ്യാജ ജോലി എന്തിനായിരുന്നുവെന്നതും അന്വേഷിക്കുന്നുണ്ട്.
അതേ സമയം ഷാജുവിന് തന്റെ ഭാര്യയുടെയും കുഞ്ഞിന്റെയും മരണത്തെക്കുറിച്ച് അറിയാമായിരുന്നുവെന്നും എന്നാല്‍ ജോളിയെ ഭയന്നാണ് ഇതു പുറത്തുപറയാത്തതെന്നും റിപ്പോര്‍ട്ടുകളുണ്ട്. ഇരുവരുടെയും മരണത്തിനു പിന്നില്‍ ഷാജുവിന് പങ്കുണ്ടോയെന്ന് ക്രൈംബ്രാഞ്ച് അന്വേഷിക്കുന്നുണ്ട്.
ജോളി തന്നെ കുടുക്കാന്‍ ശ്രമിക്കുകയാണെന്ന് ഷാജുവും പറയുന്നു. കേസുമായി ബന്ധപ്പെട്ട് ഷാജുവിനെ ഒന്നിലേറെ തവണ ചോദ്യം ചെയ്തിരുന്നു. എന്നാല്‍ കേസുമായി ബന്ധിപ്പിക്കാന്‍ തക്ക ശക്തമായ തെളിവുകളുടെ അഭാവത്തില്‍ ഷാജുവിനെ പോലീസ് വിട്ടിരുന്നു.
പ്രാഥമിക അന്വേഷണത്തില്‍ നിന്നുതന്നെ ജോളിയെക്കുറിച്ച് ലഭിക്കുന്നത് ഞെട്ടിക്കുന്ന വിവരങ്ങളാണ്. 14 വര്‍ഷങ്ങളുടെ ഇടവേളകളിലായി നടന്ന ആറുകൊലപാതകങ്ങള്‍ എല്ലാം വളരെ വ്യക്തമായി ആസൂത്രണം ചെയ്തു നടത്തിയതാണെന്നു തെളിഞ്ഞിട്ടുണ്ട്.
ജോളിക്ക് പാര്‍ട്ടി പ്രവര്‍ത്തകരുമായും ഉന്നതരുമായും നല്ല ബന്ധം ഉണ്ടെന്നും റിപ്പോര്‍ട്ടുകള്‍ സൂചിപ്പിക്കുന്നു. എന്തായാലും വരും ദിവസങ്ങളില്‍ അന്വേഷണം പുരോഗമിക്കുന്നതോടെ കേസിനു കൂടുതല്‍ വ്യക്തത കൈവരുമെന്ന പ്രതീക്ഷയിലാണ്.
