തൃശൂർ: മതേതര മൂല്യങ്ങൾക്ക് മങ്ങൽ ഏൽപ്പിക്കാൻ മാത്രമേ വനിതാ മതിൽ കൊണ്ട് ഉപകരിക്കുകയുള്ളൂവെന്ന് കേരള കോണ്ഗ്രസ്-എം വൈസ് ചെയർമാൻ ജോസ് കെ.മാണി എംപി പറഞ്ഞു. വർഗീയ വേർതിരിവ് സൃഷ്ടിക്കുന്ന മതിലിനുവേണ്ടി സർക്കാർ സംവിധാനം ഉപയോഗിക്കുന്നത് ജനങ്ങളോടുള്ള വെല്ലുവിളിയാണെന്ന് അദ്ദേഹം പറഞ്ഞു.
കേരള കോണ്ഗ്രസ്-എം ജില്ലാ നേതൃയോഗം ഉദ്ഘാടനം ചെയ്ത് പ്രസംഗിക്കുകയായിരുന്നു ജോസ് കെ.മാണി. ജില്ലാ പ്രസിഡന്‍റ് എം.ടി.തോമസ് മാസ്റ്റർ അധ്യക്ഷത വഹിച്ചു.
റോഷി അഗസ്റ്റിൻ എംഎൽഎ, സംസ്ഥാന ജനറൽ സെക്രട്ടറി ജോയി അബ്രഹാം, തോമസ് ഉണ്ണിയാടൻ, സാജൻ ഫ്രാൻസിസ്, ബേബി മാത്യു, സെബാസ്റ്റ്യൻ ചൂണ്ടൽ, ബേബി നെല്ലിക്കുഴി, സി.വി.കുര്യാക്കോസ്, ഉഷാലയം ശ്രീരാജ്, ജോർജ് പായപ്പൻ, ഉണ്ണികൃഷ്ണൻ ഈച്ചരത്ത്, ജോണ് കാഞ്ഞിരത്തിങ്കൽ തുടങ്ങിയവർ പ്രസംഗിച്ചു.
ജോസ് കെ.മാണി നയിക്കുന്ന കേരള യാത്ര ഫെബ്രുവരി ഒന്നിന് തൃശൂർ ജില്ലയിലെത്തും. വാണിയന്പാറയിൽ നിന്നും സ്വീകരിച്ച് പട്ടിക്കാട് സെന്‍ററിൽ ആദ്യ സ്വീകരണം നൽകും. തുടർന്ന് തൃശൂർ, പുതുക്കാട്, ഇരിങ്ങാലക്കുട എന്നിവിടങ്ങളിൽ സ്വീകരണം നൽകുമെന്ന് ജില്ലാ ജനറൽ സെക്രട്ടറി ബേബി നെല്ലിക്കുഴി അറിയിച്ചു.
