കോട്ടയം: ജോസ് കെ. മാണിയെ കേരള കോണ്‍ഗ്രസ് (എം) ചെയർമാനാക്കണമെന്ന ആവശ്യവുമായി മാണി വിഭാഗം ജില്ലാ പ്രസിഡന്‍റുമാർ രംഗത്ത്. ഇക്കാര്യമാവശ്യപ്പെട്ട് ഒന്പതു ജില്ലാ പ്രസിഡന്‍റുമാർ ഡെപ്യൂട്ടി ചെയർമാൻ സി.എഫ്. തോമസിനെ കണ്ടു.
പാർട്ടി ചെയർമാൻ സ്ഥാനത്തിനൊപ്പം പാർലമെന്‍ററി പാർട്ടി നേതാവ് സ്ഥാനവും മാണി വിഭാഗത്തിന് വേണമെന്നാണ് ഇവരുടെ ആവശ്യം. സി.എഫ്. തോമസ് പാർലമെന്‍ററി പാർട്ടി നേതാവാകണമെന്നും നിർദേശിച്ചു.
അതേസമയം, ജില്ലാ പ്രസിഡന്‍റുമാരുടെ നീക്കത്തില്‍ അതൃപ്തി പ്രകടിപ്പിച്ച സി.എഫ് തോമസ് പ്രശ്നം വഷളാക്കരുതെന്നും അറിയിച്ചു. നേരത്തേ, ജോസ് കെ. മാണിയുമായും ജില്ലാ പ്രസിഡന്‍റുമാർ ചർച്ച നടത്തിയിരുന്നു. ചെയർമാൻ സ്ഥാനത്തിൽ തീരുമാനം ഉടനുണ്ടാകുമെന്നും ജോസ് കെ. മാണി പറഞ്ഞു.
