മൂവാറ്റുപുഴ: നവമാധ്യമങ്ങളിൽ തന്‍റെ പേരിൽ നടക്കുന്ന വ്യാജ പ്രചാരണങ്ങൾക്കെതിരേ മുൻ എംഎൽഎ ജോസഫ് വാഴയ്ക്കൻ ഡിജിപിക്ക് പരാതി നൽകി. കഴിഞ്ഞ ദിവസങ്ങളിൽ നവമാധ്യമങ്ങളിൽ ജോസഫ് വാഴക്കന്‍റെ ബിജെപി പ്രവേശനം എന്ന പേരിൽ പോസ്റ്റുകൾ കാണപ്പെടുകയും വ്യാപകമായി വ്യക്തിഹത്യ നടക്കുകയും ചെയ്തിരുന്നു. അത്തരം വ്യാജ പ്രചാരണങ്ങൾക്കും വ്യക്തിഹത്യക്കുമെതിരേ കർശന നടപടി സ്വീകരിക്കണമെന്ന് ആവശ്യപ്പെട്ടാണ് ജോസഫ് വാഴയ്ക്കൻ ഡിജിപിയെ സമീപിച്ചിരിക്കുന്നത്.
