നെടുങ്കണ്ടം: വീട്ടില്‍നിന്നു കാണാതായ യുവതിയെ രാമക്കല്‍മേട്ടില്‍ മരിച്ചനിലയില്‍ കണ്ടെത്തി. നെടുങ്കണ്ടം പരിവര്‍ത്തനമേട് ആലുങ്കല്‍ ജോഷിയുടെ ഭാര്യ ജോസി(32)യെയാണ് രാമക്കല്‍മേട്ടില്‍ തമിഴ്‌നാടിന്‍റെ പ്രദേശത്തു മരിച്ചനിലയില്‍ കണ്ടെത്തിയത്. രാമക്കല്‍മേട്ടില്‍നിന്ന് 500 അടി താഴ്ചയിലായിരുന്നു മൃതദേഹം.
ശനിയാഴ്ച രാവിലെയാണു ജോസിയെ കാണാതായത്. ബന്ധുക്കള്‍ നെടുങ്കണ്ടം പോലീസ് സ്റ്റേഷനില്‍ പരാതി നല്‍കിയതിനെത്തുടര്‍ന്ന് പോലീസ് അന്വേഷിച്ചുവരികയായിരുന്നു. ഇന്നലെ രാവിലെയാണു നാട്ടുകാര്‍ മൃതദേഹം കണ്ടത്. തുടര്‍ന്ന് നെടുങ്കണ്ടം പോലീസിലും കോമ്പെ പോലീസിലും വിവരമറിയിച്ചു.
കോമ്പെ എസ്‌ഐ ജോണ്‍സന്‍റെ നേതൃത്വത്തിലുള്ള സംഘമെത്തി മേല്‍നടപടി സ്വീകരിച്ചു. മൃതദേഹം ഉത്തമപാളയം ഗവണ്‍മെന്‍റ് ആശുപത്രിയില്‍ പോസ്റ്റുമോര്‍ട്ടത്തിനായി കൊണ്ടുപോയി. സംസ്‌കാരം ഇന്നുനടക്കും. മാനസിക സമ്മർദം നേരിട്ടിരുന്ന ജോസി ജീവനൊടുക്കിയതാണോയെന്ന് അന്വേഷിച്ചു വരികയാണെന്നു പോലീസ് പറഞ്ഞു. മക്കള്‍: ജുവല്‍, എയ്ഞ്ചല്‍.
