മമ്മൂട്ടിയുടെ അങ്കിളിന് ശേഷം മോഹൻലാലിനൊപ്പം കൂട്ടുകൂടാൻ ഒരുങ്ങുകയാണ് ജോയ് മാത്യുവെന്ന് വാർത്തകൾ. പക്ഷേ ഇത് സംബന്ധിച്ച ഔദ്യോഗിക അറിയിപ്പ് ജോയ് മാത്യുവിന്‍റെ ഭാഗത്തു നിന്ന് ഉണ്ടായിട്ടില്ല.
ചിത്രം സംവിധാനം ചെയ്യുകയാണോ അതോ തിരക്കഥ മാത്രമാണോ ഒരുക്കുന്നതെന്നുള്ള വിവരങ്ങൾ ലഭ്യമായിട്ടില്ല.
മൂന്നാർ പശ്ചാത്തലത്തിൽ വരുന്ന ചിത്രത്തിലൂടെയാണ് ഇരുവരും ഒന്നിക്കുന്നതെന്നാണ് അറിയാൻ കഴിയുന്നത്. ഇത് സംബന്ധിച്ച വിവരം ജോയ് മാത്യു ഉടൻ പുറത്തുവിടുമെന്നുള്ള വിശ്വാസത്തിലാണ് മോഹൻലാലിന്‍റെ ആരാധകർ.
