ജ്യോതിക പ്രധാനവേഷത്തിലെത്തുന്ന നാച്ചിയാറിന്‍റെ ടീസറിന് വൻ സ്വീകാര്യതയാണ് യു ട്യൂബിൽ ലഭിച്ചത്. എന്നാൽ ടീസറിൽ പ്രയോഗിച്ച ഒരു വാക്ക് പുതിയ വിവാദത്തിന് തിരികൊളുത്തിയിരുന്നു. വളരെ അശ്ലീലമായ പ്രയോഗമാണ് അതെന്നും ജ്യോതികയുടെ നാവില്‍ നിന്ന് ഒരിക്കലും അത്തരമൊരു അശ്ലീല വാക്ക് പ്രതീക്ഷിച്ചില്ലെന്നും ജ്യോതികയുടെ ആരാധകർ അഭിപ്രായപ്പെട്ടിരുന്നു.
വിവാദത്തിന്‍റെ ചൂടാറിയിരിക്കേ താരം വിശദീകരണവുമായി രംഗത്തെത്തിയിട്ടുണ്ട്. താന്‍ ഉപയോഗിച്ച ആ വാക്ക് ഒരു നായക നടനാണ് ഉപയോഗിച്ചത് എങ്കില്‍ ഈ പ്രശ്‌നങ്ങളൊന്നും ഉണ്ടാവില്ലായിരുന്നു എന്നാണ് ജ്യോതിക പറയുന്നത്.
സ്ത്രീ പറഞ്ഞതുകൊണ്ടാണ് ആരാധകർക്കത് ഉൾക്കൊള്ളാൻ പറ്റാത്തതെന്നും താരം പറഞ്ഞു. എന്തായാലും ചിത്രം 16ന് തിയറ്ററിൽ എത്തും. തനി റൗഡി പോലീസായാണ് ചിത്രത്തില്‍ ജ്യോതിക അഭിനയിക്കുന്നത്.
