കൊച്ചി: ശമ്പളം നല്‍കാത്തതിന്‍റെ ദേഷ്യത്തില്‍ ഹോട്ടല്‍ തല്ലിത്തകര്‍ത്ത യുവാവ് പോലീസ് കസ്റ്റഡിയില്‍. പാലക്കാട് പട്ടാമ്പി വല്ലപ്പുഴ അക്കരത്തൊടിയില്‍ ജബ്ബാറി(46)നെയാണ് എറണാകുളം നോര്‍ത്ത് പോലീസ് അറസ്റ്റ് ചെയ്തത്.
എറണാകുളം നോര്‍ത്തിലുള്ള അറേബ്യന്‍ ഫുഡ് കോര്‍ട്ടിലെ ജിവനക്കാരനായിരുന്നു ഇയാള്‍. മൂന്നു മാസത്തോളം ഇവിടെ ജോലി ചെയ്തിരുന്നു.
കൃത്യമായി ശമ്പളം ലഭിക്കാത്തതിനെത്തുടര്‍ന്ന് കടയുടമയുമായി തര്‍ക്കത്തിലാവുകയും തുടർന്ന് ഉണ്ടായതിനെത്തുടര്‍ന്ന് ജബ്ബാറിനെ ഹോട്ടലില്‍നിന്ന് പുറത്താക്കി.
തുടര്‍ന്ന് ഇന്നലെ അര്‍ധരാത്രി മദ്യപിച്ച് ഹോട്ടലില്‍ എത്തിയ ജമ്പാര്‍ ഹോട്ടല്‍ തല്ലിത്തകര്‍ക്കുകയായിരുന്നു. മുമ്പും ജീവനക്കാര്‍ ശമ്പളം നല്‍കിയില്ലെന്ന പരാതിയില്‍ ഈ ഹോട്ടലിനെതിരേ കേസ് എടുത്തിട്ടുണ്ടെന്ന് നോര്‍ത്ത് പോലീസ് പറഞ്ഞു. എന്നാല്‍ അക്രമത്തെ കുറിച്ച് ഹോട്ടലുടമ പരാതി നല്‍കിയിട്ടില്ല.
