തിരുവനന്തപുരം: തിങ്കളാഴ്ച രാത്രി വരെ തീരമേഖലയിൽ രണ്ടര മുതൽ 3. 3 മീറ്റർ ഉയരത്തിൽ വരെ തിരമാല അടിയ്ക്കാൻ സാധ്യതയുണ്ടെന്നു മുന്നറിയിപ്പ്. ദേശീയ സമുദ്ര സ്ഥിതി പഠനകേന്ദ്രമാണ് മുന്നറിയിപ്പ് നല്കിയിട്ടുള്ളത്.
പൊഴിയൂർ മുതൽ കാസർഗോഡ് വരയെുള്ള തീരദേശവാസികൾ ജാഗ്രത പാലിക്കണമെന്നും നിർദേശമുണ്ട്. ഈ മേഖലയിൽ കടലാക്രമണവും രൂക്ഷമാകാൻ സാധ്യതയുണ്ട്. കൂടാതെ ബുധനാഴ്ച്ചവരെ കേരള തീരത്ത് അറബിക്കടലിൽ മണിക്കൂറിൽ 40 മുതൽ 50 കിലോമീറ്റർ വരെ വേഗത്തിൽ ശതമായ കാറ്റിനും സാധ്യതയുണ്ട് .
ഈ ദിവസങ്ങളിൽ മത്സ്യബന്ധനത്തിനു പോകരുതെന്നു കാലാവസ്ഥാ നിരീക്ഷണ കേന്ദ്രവും അറിയിച്ചു.
