കത്വക്കേസിലെ സാക്ഷികളെ മർദിച്ചതായി പരാതി; അ​ന്വേ​ഷണ ഉ​ദ്യോ​ഗ​സ്ഥ​ർക്കെതിരേ കേസ്

ജ​മ്മു: ജ​മ്മു കാ​ഷ്മീ​രി​ലെ ക​ത്വ​യി​ൽ ബാ​ലി​ക​യെ പീ​ഡി​പ്പി​ച്ചു കൊ​ല​പ്പെ​ടു​ത്തി​യ കേ​സ് അ​ന്വേ​ഷി​ച്ച ഉ​ദ്യോ​ഗ​സ്ഥ​ർ​ക്കെ​തി​രെ കേ​സെ​ടു​ക്കാ​ൻ നി​ർ​ദേ​ശം. ജ​മ്മു​വി​ലെ ഫ​സ്റ്റ് ക്ലാ​സ് ജു​ഡീ​ഷ​ൽ മ​ജി​സ്ട്രേ​റ്റ് കോ​ട​തി​യാ​ണു കേ​സ് അ​ന്വേ​ഷി​ച്ച പ്ര​ത്യേ​ക അ​ന്വേ​ഷ​ണ സം​ഘ​ത്തി​ലെ ഉ​ദ്യോ​ഗ​സ്ഥ​ർ​ക്കെ​തി​രേ കേ​സെ​ടു​ത്ത് അ​ന്വേ​ഷി​ക്കാ​ൻ നി​ർ​ദേ​ശി​ച്ചി​രി​ക്കു​ന്ന​ത്. കേ​സി​ലെ സാ​ക്ഷി​ക​ളാ​യ സ​ച്ചി​ൻ ശ​ർ​മ, നീ​ര​ജ് ശ​ർ​മ, സ​ഹീ​ൽ ശ​ർ​മ എ​ന്നി​വ​രാ​ണു പ​രാ​തി​യു​മാ​യി കോ​ട​തി​യെ സ​മീ​പി​ച്ച​ത്.

ഇ​വ​രെ ക​സ്റ്റ​ഡി​യി​ൽ ക്രൂ​ര​മാ​യി പീ​ഡി​പ്പി​ച്ച​താ​യും വ്യാ​ജ തെ​ളി​വു​ക​ൾ ഉ​ണ്ടാ​ക്കി​യ​താ​യും പ​രാ​തി​യി​ൽ പ​റ​യു​ന്നു.അ​ന്വേ​ഷ​ണ സം​ഘ​ത്തി​ലെ ആ​റ് പേ​ർ​ക്കെ​തി​രെ​യാ​ണ് സാ​ക്ഷി​ക​ളെ ഭീ​ഷ​ണി​പ്പെ​ടു​ത്തി​യ​തി​നും തെ​റ്റാ​യ മൊ​ഴി രേ​ഖ​പ്പെ​ടു​ത്തു​ന്ന​തി​ന് സാ​ക്ഷി​ക​ളെ നി​ർ​ബ​ന്ധി​ക്കു​ക​യും ചെ​യ്തെ​ന്ന പ​രാ​തി​യി​ൽ ജ​മ്മു കാ​ഷ്മീ​ർ കോ​ട​തി അ​ന്വേ​ഷ​ണ​ത്തി​ന് ഉ​ത്ത​ര​വി​ട്ട​ത്.

സീ​നി​യ​ർ പോ​ലീ​സ് സൂ​പ്ര​ണ്ടും അ​ന്വേ​ഷ​ണ സം​ഘ ത​ല​വ​നു​മാ​യ ആ​ർ.​കെ. ജ​ല്ല, എ​എ​സ്പി പീ​ർ​സാ​ദ ന​വീ​ദ്, ഡെ​പ്യൂ​ട്ടി സൂ​പ്ര​ണ്ടു​മാ​രാ​യ ശ​തം​ബ​രി ശ​ർ​മ, നി​സാ​ർ ഹു​സൈ​ൻ, എ​സ്ഐ​മാ​രാ​യ ഇ​ർ​ഫാ​ൻ വാ​നി, കെ​വാ​ൽ കി​ഷോ​ർ എ​ന്നി​വ​ർ​ക്കെ​തി​രേ കേ​സെ​ടു​ക്കാ​നാ​ണു കോ​ട​തി ഉ​ത്ത​ര​വ്.

2018 ജ​നു​വ​രി​യി​ലാ​ണു ക​ത്വ​യി​ലെ ക്ഷേ​ത്ര​ത്തി​നു​ള്ളി​ൽ എ​ട്ടു വ​യ​സു​കാ​രി​യെ ബ​ലാ​ത്സം​ഗം ചെ​യ്തു കൊ​ല​പ്പെ​ടു​ത്തി​യ നി​ല​യി​ൽ ക​ണ്ടെ​ത്തി​യ​ത്. പെ​ണ്‍​കു​ട്ടി​യു​ടെ മാ​താ​പി​താ​ക്ക​ൾ അ​ട​ങ്ങു​ന്ന ബ​ക​ർ​വാ​ൾ നാ​ടോ​ടി വി​ഭാ​ഗ​ത്തെ ഗ്രാ​മ​ത്തി​ൽ​നി​ന്നു തു​ര​ത്തി​യോ​ടി​ക്കു​ന്ന​തി​നാ​ണു പെ​ണ്‍​കു​ട്ടി​യെ ദി​വ​സ​ങ്ങ​ളോ​ളം ത​ട​വി​ൽ​വ​ച്ചു പീ​ഡി​പ്പി​ച്ച​തെ​ന്നു കോ​ട​തി​യി​ൽ സ​മ​ർ​പ്പി​ച്ച കു​റ്റ​പ​ത്ര​ത്തി​ൽ പ​റ​യു​ന്നു.

കേ​സി​ലെ പ്ര​ധാ​ന പ്ര​തി​ക​ൾ​ക്കു കോ​ട​തി മ​ര​ണം വ​രെ ത​ട​വു​ശി​ക്ഷ വി​ധി​ച്ചി​രു​ന്നു. ബ​ലാ​ത്സം​ഗം ആ​സൂ​ത്ര​ണം ചെ​യ്ത മു​ഖ്യ​പ്ര​തി സാ​ഞ്ചി റാം, ​സ്പെ​ഷ​ൽ പോ​ലീ​സ് ഓ​ഫീ​സ​റാ​യ ദീ​പ​ക് ഖ​ജു​രി​യ, സാ​ഞ്ചി റാ​മി​ന്‍റെ സു​ഹൃ​ത്ത് പ​ർ​വേ​ഷ് കു​മാ​ർ എ​ന്നി​വ​ർ​ക്കാ​ണു പ​ത്താ​ൻ​കോ​ട്ടി​ലെ അ​തി​വേ​ഗ​കോ​ട​തി മ​ര​ണം വ​രെ ത​ട​വു​ശി​ക്ഷ വി​ധി​ച്ച​ത്.

കു​റ്റാ​രോ​പി​ത​രെ അ​റ​സ്റ്റ് ചെ​യ്ത​തി​ന്‍റെ പേ​രി​ൽ ജ​മ്മു​വി​ൽ പ്രാ​ദേ​ശി​ക പാ​ർ​ട്ടി​ക​ൾ പ്ര​തി​ഷേ​ധം ന​ട​ത്തി​യി​രു​ന്നു. ഇ​തി​ൽ ഒ​രു പ്ര​തി​ഷേ​ധ പ്ര​ക​ട​ന​ത്തി​ൽ അ​ന്ന​ത്തെ കാ​ഷ്മീ​ർ സ​ർ​ക്കാ​രി​ൻ​റെ ഭാ​ഗ​മാ​യി​രു​ന്ന ര​ണ്ടു ബി​ജെ​പി മ​ന്ത്രി​മാ​രും പ​ങ്കെ​ടു​ത്തു.