നാടു വിറപ്പിച്ച ക​ടു​വ കു​ടു​ങ്ങി; ആ​ശ്വാ​സ​ത്തോ​ടെ മ​ക്കി​ക്കൊ​ല്ലി ഗ്രാ​മം; കോമ്പ​ല്ല് കൊ​ഴി​ഞ്ഞ  കടുവയ്ക്ക് കാട്ടിൽ ഇരതേടിപിടിക്കുവാൻ കഴിയില്ലെന്ന് വനം വകുപ്പ്

മാ​ന​ന്ത​വാ​ടി: ത​വി​ഞ്ഞാ​ൽ, മ​ക്കി​ക്കൊ​ല്ലി, വെ​ള്ള​രി​പ്പാ​ലം പ്രദേശങ്ങളിൽ ഭീ​തി പ​ര​ത്തി​യ ക​ടു​വ കൂ​ട്ടി​ലാ​യി.വ​നം-​വ​ന്യ​ജീ​വി വ​കു​പ്പ് വെ​ള്ള​രി​പ്പാ​ല​ത്തി​നു സ​മീ​പം ചൊ​വ്വാ​ഴ്ച രാ​ത്രി എ​ട്ടോ​ടെ വ​ച്ച കെ​ണി​യി​ൽ ഇ​ന്നു പു​ല​ർ​ച്ചെ ര​ണ്ടി​നാ​ണ് ക​ടു​വ കു​ടു​ങ്ങി​യ​ത്.

12 വ​യ​സ് മ​തി​ക്കു​ന്ന ആ​ണ്‍​ക​ടു​വ​യാ​ണ് കെ​ണി​യി​ലാ​യ​ത്. നോ​ർ​ത്ത് വ​യ​നാ​ട് ഡി​വി​ഷ​ൻ ഫോ​റ​സ്റ്റ് ഓ​ഫീ​സ് വ​ള​പ്പി​ലേ​ക്കു മാ​റ്റി​യ ക​ടു​വ​യെ വ​ന​പാ​ല​ക​ർ നി​രീ​ക്ഷി​ച്ചു​വ​രി​ക​യാ​ണ്. ക​ടു​വ​യു​ടെ കോ​ന്പ​ല്ല് കൊ​ഴി​ഞ്ഞ നി​ല​യി​ലാ​ണ്. ദേ​ഹ​ത്തു പ​രി​ക്കു​ക​ൾ പ്ര​ക​ട​മ​ല്ല. ആ​വ​ശ്യ​മാ​യ ചി​കി​ത്സ​യും പ​രി​ച​ര​ണ​വും ന​ൽ​കി​യ​ശേ​ഷം ക​ടു​വ​യെ മൃ​ഗ​ശാ​ല​യി​ലേ​ക്കു മാ​റ്റാ​നാ​ണ് നീ​ക്കം.

ക​ഴി​ഞ്ഞ ദി​വ​സം മ​ക്കി​ക്കൊ​ല്ലി മ​ണ​ക്കാ​ട് ഫ്രാ​ൻ​സി​സി​ന്‍റെ പ​ത്തു​മാ​സം പ്രാ​യ​മു​ള്ള പ​ശു​ക്കി​ടാ​വി​നെ ക​ടു​വ കൊ​ന്നി​രു​ന്നു. ത​ള്ള​പ്പ​ശു​വി​നെ ആ​ക്ര​മി​ച്ചു പ​രി​ക്കേ​ൽ​പ്പി​ക്കു​ക​യു​മു​ണ്ടാ​യി. ഇ​തി​ന​ടു​ത്ത ദി​വ​സ​വും പ്ര​ദേ​ശ​ത്തു ക​ടു​വ​യെ​ത്തി. ച​ത്ത പ​ശു​ക്കി​ടാ​വി​ന്‍റെ ജ​ഡം അ​ടു​ത്തു​ള്ള വ​യ​ലി​ൽ വ​ലി​ച്ചെ​ത്തി​ച്ചു ഭാ​ഗി​ക​മാ​യി ഭ​ക്ഷി​ച്ചു.

പ്ര​ദേ​ശ​വാ​സി​ക​ൾ ഭീ​തി​യി​ലാ​യ സാ​ഹ​ച​ര്യ​ത്തി​ൽ ക​ടു​വ​യെ ക​ണ്ടെ​ത്തി ഉ​ൾ​ക്കാ​ട്ടി​ലേ​ക്കു തു​ര​ത്താ​ൻ വ​ന​പാ​ല​ക​ർ പ​ദ്ധ​തി​യി​ട്ടെ​ങ്കി​ലും ഫ​ലി​ച്ചി​ല്ല. ഇ​ന്ന​ലെ പ​ക​ൽ തെ​ര​ച്ചി​ൽ ന​ട​ത്തി​യെ​ങ്കി​ലും ക​ടു​വ​യെ ക​ണ്ടെ​ത്താ​യി​ല്ല.

ക​ടു​വാ​ശ​ല്യ​ത്തി​ന്‍റെ പ​ശ്ചാ​ത്ത​ല​ത്തി​ൽ ഇ​ന്ന​ലെ ത​വി​ഞ്ഞാ​ൽ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് എം.​ജി. ബി​ജു, സ്റ്റാ​ൻ​ഡിം​ഗ് ക​മ്മി​റ്റി അ​ധ്യ​ക്ഷ​രാ​യ ലൈ​ജി തോ​മ​സ്, ജോ​സ് കൈ​നി​കു​ന്നേ​ൽ, ബ്ലോ​ക്ക് മെം​ബ​ർ അ​സീ​സ് വാ​ളാ​ട്, പ്ര​ദേ​ശ​വാ​സി​ക​മാ​യ പ്ര​തീ​ഷ് മൈ​ലാ​ടി, മ​നോ​ജ് ഒ​ഴ​ക്കോ​ടി തു​ട​ങ്ങി​യ​വ​ർ നോ​ർ​ത്ത് വ​യ​നാ​ട് ഡി​എ​ഫ്ഒ ര​മേ​ശ് വി​ഷ്ണോ​യി​യു​മാ​യി ച​ർ​ച്ച ന​ട​ത്തി​യി​രു​ന്നു.

ചൊ​വ്വാ​ഴ്ച രാ​ത്രി എ​ട്ടു വ​രെ ക​ടു​വ​യെ ക​ണ്ടെ​ത്തി തു​ര​ത്താ​നാ​യി​ല്ലെ​ങ്കി​ൽ കൂ​ടു സ്ഥാ​പി​ച്ചു പി​ടി​കൂ​ടാ​മെ​ന്നു ച​ർ​ച്ച​യി​ൽ ജ​ന​പ്ര​തി​നി​ധി​ക​ൾ​ക്കു ഡി​എ​ഫ്ഒ ഉ​റ​പ്പു​ന​ൽ​കി. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് രാ​ത്രി കൂ​ട് സ്ഥാ​പി​ച്ച​ത്. ക​ടു​വ കൂ​ട്ടി​ലാ​യ​തോ​ടെ പ്ര​ദേ​ശ​വാ​സി​ക​ൾ​ക്കു ആ​ശ്വാ​സ​മാ​യി.ക​ടു​വ​യു​ടെ സാ​ന്നി​ധ്യം സ്ഥി​രീ​ക​രി​ച്ച​തു​മു​ത​ൽ പ​ക​ൽ തോ​ട്ട​ത്തി​ൽ ഇ​റ​ങ്ങാ​ൻ​പോ​ലും ആ​ളു​ക​ൾ ഭ​യ​ന്നി​രു​ന്നു.