സുൽത്താൻ ബത്തേരി: തേലംപറ്റയിലും സമീപങ്ങളിലും ജനങ്ങളെ ഭീതിയിലാക്കിയ കടുവ വനം-വന്യജീവി വകുപ്പ് സ്ഥാപിച്ച കൂട്ടിൽ കുടുങ്ങി. ചൊവ്വാഴ്ച പുലർച്ചെ തേലംപറ്റ മൂഞ്ഞനാനിയിൽ പാപ്പച്ചന്‍റെ പശുവിനെ ആക്രമിച്ചു കൊന്നതിനെത്തുടർന്നാണ് വനപാലകർ പശുവിന്‍റെ ജഡം സഹിതം കൂട് സ്ഥാപിച്ചത്.
10 വയസ് മതിക്കുന്ന പെണ്‍കടുവ ഇന്നലെ രാത്രി 11 ഓടെയാണ് കൂട്ടിൽ അകപ്പെട്ടത്. പല്ലുകൾ നഷ്ടപ്പെട്ട നിലയിലാണ് കടുവ. ഇതിനെ തിരുവനന്തപുരം മൃഗശാലയിലേക്കു കൊണ്ടുപോകുമെന്നു വൈൽഡ് ലൈഫ് വാർഡന്‍റെ ഓഫീസ് അറിയിച്ചു.
