ഇംഗ്ലണ്ടിനെതിരായ നാലാം ടെസ്റ്റിൽനിന്ന് ദക്ഷിണാഫ്രിക്കൻ പേസർ കഗിസൊ റബാദയ്ക്ക് വിലക്ക്. മൂന്നാം ടെസ്റ്റിൽ ഇംഗ്ലീഷ് ബാറ്റ്സ്മാൻ ജോ റൂട്ടിന്‍റെ വിക്കറ്റ് വീഴ്ത്തിയശേഷം റബാദ നടത്തിയ ആഹ്ലാദപ്രകടനം അതിരു കടന്നതാണ് വിലക്കിനു വഴിവച്ചത്. മാച്ച് ഫീയുടെ 15 ശതമാനം പിഴയും ചുമത്തിയിട്ടുണ്ട്.
മൂന്നാം ടെസ്റ്റിൽ ഒന്പത് വിക്കറ്റ് നഷ്ടത്തിൽ 499 റണ്‍സ് എടുത്ത് ഇംഗ്ലണ്ട് ഒന്നാം ഇന്നിംഗ്സ് ഡിക്ലയർ ചെയ്തു. ഇംഗ്ലണ്ടിനായി ബെൻ സ്റ്റോക്സും (120) ഒല്ലി പോപ്പും (135 നോട്ടൗട്ട്) സെഞ്ചുറി നേടി. മറുപടിക്കിറങ്ങിയ ദക്ഷിണാഫ്രിക്കയ്ക്ക് 50 റണ്‍സിൽ ആദ്യ വിക്കറ്റ് നഷ്ടമായി.
