ജ​ഡ്ജി​മാ​ർ​ക്കാ​യി കൈ​ക്കൂ​ലി വാ​ങ്ങി​യെ​ന്നാ​രോ​പ​ണം; അ​റ​സ്റ്റ് ത​ട​യ​ണ​മെ​ന്ന സൈ​ബി​യു​ടെ ഹ​ർ​ജി ഹൈ​ക്കോ​ട​തി ത​ള്ളി

കൊ​ച്ചി: ഹൈ​ക്കോ​ട​തി ജ​ഡ്ജി​മാ​ർ​ക്ക് കൈ​ക്കൂ​ലി ന​ൽ​കാ​നെ​ന്ന പേ​രി​ൽ കേ​സി​ലെ ക​ക്ഷി​ക​ളി​ൽ നി​ന്ന് വ​ൻ​തു​ക വാ​ങ്ങി​യെ​ന്ന് ആ​രോ​പി​ച്ച് ത​നി​ക്കെ​തി​രെ​യു​ള്ള കേ​സ് റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ട് അ​ഡ്വ. സൈ​ബി ജോ​സ് കി​ട​ങ്ങൂ​ർ ന​ൽ​കി​യ ഹ​ർ​ജി ഹൈ​ക്കോ​ട​തി ത​ള്ളി.

ഇ​തോ​ടെ അ​ഡ്വ. സൈ​ബി​യു​ടെ അ​റ​സ്റ്റി​നു ത​ട​സ​ങ്ങ​ളി​ല്ല. ജു​ഡീ​ഷ്യ​ൽ സം​വി​ധാ​ന​ത്തെ ബാ​ധി​ക്കു​ന്ന വി​ഷ​യ​മാ​ണെ​ന്നാ​ണ് ഹൈ​ക്കോ​ട​തി​യു​ടെ വി​ല​യി​രു​ത്ത​ൽ.

അ​ന്വേ​ഷ​ണം മു​ന്നോ​ട്ടു പോ​ക​ട്ടെ​യെ​ന്നും സ​ത്യം പു​റ​ത്തു​വ​ര​ട്ടെ​യെ​ന്നും ജ​സ്റ്റീ​സ് കൗ​സ​ർ എ​ട​പ്പ​ഗ​ത്തി​ന്‍റെ ബെ​ഞ്ച് അ​റി​യി​ച്ചു. അ​ന്വേ​ഷ​ണ​ത്തെ സൈ​ബി എ​ന്തി​നു ഭ​യ​ക്കു​ന്നു​വെ​ന്നാ​ണ് ഹ​ർ​ജി പ​രി​ഗ​ണി​ക്ക​വേ ഹൈ​ക്കോ​ട​തി ചോ​ദി​ച്ച​ത്.

ത​നി​ക്കെ​തി​രേ കേ​സ് ര​ജി​സ്റ്റ​ർ​ചെ​യ്ത​ത് കേ​ട്ടു​കേ​ൾ​വി​യു​ടെ അ​ടി​സ്ഥാ​ന​ത്തി​ലു​ള്ള മൊ​ഴി​ക​ളെ ആ​ശ്ര​യി​ച്ചാ​ണെ​ന്നും പ​ണം വാ​ങ്ങി​യ​താ​യി തെ​ളി​വു​ക​ളി​ല്ലെ​ന്നു​മാ​ണ് അ​ഡ്വ.​സൈ​ബി ഹ​ർ​ജി​യി​ൽ ഉ​ന്ന​യി​ച്ചി​രു​ന്ന​ത്.

പ്രാ​ഥ​മി​കാ​ന്വേ​ഷ​ണ​ത്തി​ന്‍റെ ഭാ​ഗ​മാ​യി ശേ​ഖ​രി​ച്ച മൊ​ഴി​ക​ളി​ലും താ​ൻ ജ​ഡ്ജി​മാ​ർ​ക്ക് ന​ൽ​കാ​നാ​യി പ​ണം വാ​ങ്ങി​യെ​ന്ന് പ​റ​യു​ന്നി​ല്ല. ഈ ​സാ​ഹ​ച​ര്യ​ത്തി​ൽ കേ​സ് റ​ദ്ദാ​ക്ക​ണ​മെ​ന്നാ​ണ് ഹ​ർ​ജി​യി​ൽ ആ​വ​ശ്യ​പ്പെ​ട്ട​ത്.

നി​യ​മ വി​രു​ദ്ധ​മാ​യി പ്ര​തി​ഫ​ലം കൈ​പ്പ​റ്റി​യെ​ന്ന അ​ഴി​മ​തി നി​രോ​ധ​ന നി​യ​മ​പ്ര​കാ​ര​മു​ള്ള കു​റ്റ​വും ഇ​ന്ത്യ​ൻ ശി​ക്ഷാ നി​യ​മ​പ്ര​കാ​ര​മു​ള്ള വ​ഞ്ച​നാ​ക്കു​റ്റ​വും ചു​മ​ത്തി​യാ​ണ് സൈ​ബി​ക്കെ​തി​രേ പോ​ലീ​സ് കേ​സെ​ടു​ത്ത​ത്.

ക​ഴി​ഞ്ഞ ദി​വ​സം മൂ​വാ​റ്റു​പു​ഴ വി​ജി​ല​ൻ​സ് കോ​ട​തി​യി​ൽ എ​ഫ്ഐ​ആ​ർ സ​മ​ർ​പ്പി​ക്കു​ക​യും ചെ​യ്തി​രു​ന്നു. ജ​ഡ്ജി​മാ​ർ​ക്ക് കൈ​ക്കൂ​ലി ന​ൽ​ക​ണ​മെ​ന്ന ഉ​ദ്ദേ​ശ്യ​ത്തോ​ടെ പ​ണം വാ​ങ്ങി​യെ​ന്ന ത​ര​ത്തി​ൽ എ​ഫ്ഐ​ആ​ർ തി​രു​ത്താ​ൻ പി​ന്നീ​ട് കോ​ട​തി​യി​ൽ അ​പേ​ക്ഷ ന​ൽ​കു​ക​യും ചെ​യ്തു.