അജയ് ദേവ്ഗണ്‍ നായകനാകുന്ന തനാജി: ദ അണ്‍സംഗ് വാരിയർ എന്ന ചിത്രത്തിൽ ഭാര്യയും നടിയുമായ കജോൾ ആണ് നായികയായി അഭിനയിക്കുന്നത്. ചിത്രത്തിന്‍റെ ഫോട്ടോകളെല്ലാം ഓണ്‍ലൈനിൽ തരംഗമായിരുന്നു. ഇപ്പോഴിതാ കജോൾ വീട്ടിലെപ്പോലെ തന്നെയായിരുന്നു സിനിമ സെറ്റിലുമെന്നാണ് അജയ് ദേവ്ഗണ്‍. സിനിമയുടെ ട്രെയിലർ റിലീസിനോട് അനുബന്ധിച്ച ചടങ്ങിൽ സംസാരിക്കവേ ആയിരുന്നു അജയ് ദേവ്ഗണ്‍ ഈ കാര്യം പറഞ്ഞത്.
തനാജി മലുസരെയായിട്ടാണ് അജയ് ദേവ്ഗണ്‍ ചിത്രത്തിൽ അഭിനയിക്കുന്നത്. തനാജിയുടെ ഭാര്യ സാവിത്രി മലുസരെ ആയിട്ടാണ് അജയ് ദേവ്ഗണിന്‍റെ ഭാര്യ കൂടിയായ കജോൾ അഭിനയിക്കുന്നത്.
കജോളിനൊപ്പമുള്ള അഭിനയം എങ്ങനെയായിരുന്നുവെന്ന് എനിക്ക് അറിയില്ല. കാരണം ഞങ്ങവീട്ടിൽ എങ്ങനെയായിരുന്നോ അങ്ങനെ തന്നെയായിരുന്നു സിനിമ സെറ്റിലും. എല്ലാവരുടെ മുന്നിലും ഞങ്ങൾ വീട്ടിൽ പെരുമാറുന്നതുപോലെ തന്നെയായിരുന്നു പെരുമാറിയത്. അതുകൊണ്ട് ഒരു വ്യത്യാസവുമുണ്ടായിരുന്നില്ല- അജയ് ദേവ്ഗണ്‍ പറയുന്നു.
ചരിത്രത്തിലെ അങ്ങനെ പാടിപ്പുകഴ്ത്താത്ത വീരനായകൻമാരായി അഭിനയിക്കാൻ ഇനിയും ആഗ്രഹിക്കുന്നുവെന്നാണ് അജയ് ദേവ്ഗണ്‍ വ്യക്തമാക്കിയത്.
