ആരുടെയൊക്കെ പോക്കറ്റിലോട്ട്..! ആ​ദി​വാ​സി കോ​ള​നി​ക​ളു​ടെ സ​മ​ഗ്ര വി​ക​സ​നം എ​ന്ന് പ​റ​ഞ്ഞ് ഭരണകൂടങ്ങൾ ചെ​ല​വി​ടു​ന്ന​ത് ല​ക്ഷ​ങ്ങ​ൾ; എങ്കിലും കാ​ക്ക​ത്തോ​ട് കോ​ള​നിയിലെ ദുരവസ്ഥ കണ്ടാൽ നമ്മൾ ഞെട്ടും

സു​ൽ​ത്താ​ൻ ബ​ത്തേ​രി: ആ​ദി​വാ​സി കോ​ള​നി​ക​ളു​ടെ സ​മ​ഗ്ര വി​ക​സ​നം എ​ന്ന് പ​റ​ഞ്ഞ് ല​ക്ഷ​ങ്ങ​ൾ പൊ​ടി​ക്കു​ന്ന ഭ​ര​ണ​കൂ​ട​ങ്ങ​ളു​ടെ ക​ണ്ണി​ൽ പെ​ടാ​തെ ദു​രി​ത​ക്ക​യ​ത്തി​ൽ കാ​ക്ക​ത്തോ​ട് കോ​ള​നി. വാ​സ​യോ​ഗ്യ​മാ​യ വീ​ടു​ക​ൾ പോ​ലു​മി​ല്ലാ​തെ പ്ലാ​സ്റ്റി​ക് കൂ​ര​ക​ൾ​ക്ക് കീ​ഴി​ലാ​ണ് നൂ​ൽ​പ്പു​ഴ​യി​ലെ ക​ല്ലൂ​രി​ൽ നി​ന്നു ഒ​ന്ന​ര കി​ലോ​മീ​റ്റ​ർ സ​ഞ്ച​രി​ച്ചാ​ൽ എ​ത്തു​ന്ന കാ​ക്ക​ത്തോ​ട് കോ​ള​നി​ക്കാ​രു​ടെ വാ​സം. വ​യ​നാ​ട് സ​ന്പൂ​ർ​ണ വെ​ളി​യി​ട വി​സ​ർ​ജ​ന മു​ക്ത (ഒ​ഡി​എ​ഫ്) ജി​ല്ല​യാ​യെ​ങ്കി​ലും ഇ​വ​ർ​ക്ക് ഇ​തു​വ​രെ ക​ക്കൂ​സ് സൗ​ക​ര്യം പോ​ലും എ​ത്തി​യി​ട്ടി​ല്ല.

28 പ​ണി​യ വി​ഭാ​ഗം കു​ടും​ബ​ങ്ങ​ളാ​ണ് കോ​ള​നി​യി​ലു​ള്ള​ത്. ഏ​തു നി​മി​ഷ​വും നി​ലം പ​തി​ക്കാ​റാ​യ വാ​സ​യോ​ഗ്യ​മ​ല്ലാ​ത്ത വീ​ടു​ക​ളി​ലാ​ണ് കു​ട്ടി​ക​ളും സ്ത്രീ​ക​ളു​മ​ട​ങ്ങു​ന്ന​വ​ർ ക​ഴി​യു​ന്ന​ത്. മ​ഴ​ക്കാ​ല​മെ​ത്തി​യ​തോ​ടെ ഇ​വ​രു​ടെ ദു​രി​തം ഇ​ര​ട്ടി​യാ​യി​രി​ക്കു​ക​യാ​ണ്.

കോ​ള​നി​യി​ലേ​ക്കെ​ത്താ​ൻ റോ​ഡ് സൗ​ക​ര്യ​വും ഇ​വ​ർ​ക്ക് അ​ന്യ​മാ​ണ്. ഇ​തി​നു​പു​റ​മെ കോ​ള​നി​യി​ലെ കി​ണ​റ്റി​ൽ വെ​ള്ള​വും ഇ​ല്ലാ​താ​യ​തോ​ടെ കു​ടും​ബ​ങ്ങ​ൾ കു​ടി​വെ​ള്ള​ത്തി​നും നോ​ട്ടോ​ട്ട​മോ​ടേ​ണ്ട ഗ​തി​യാ​ണ്. ശ​ക്ത​മാ​യ മ​ഴ​പെ​യ്താ​ൽ സ​മീ​പ​ത്തെ തോ​ട്ടി​ൽ നി​ന്നു വെ​ള്ളം ക​യ​റി കോ​ള​നി ഒ​റ്റ​പ്പെ​ടും. പി​ന്നീ​ട് ഇ​വ​രു​ടെ ജീ​വ​തം വെ​ള്ളം താ​ഴു​ന്ന​ത്വ​രെ സ​മീ​പ​ത്തെ സ്കൂ​ളി​ലാ​കും.

ഇ​തി​നു പ​രി​ഹാ​ര​മാ​യി ഇ​വ​രെ ഇ​വി​ടെ നി​ന്നു മാ​റ്റി​പ്പാ​ർ​പ്പി​ക്കാ​മെ​ന്നു പ​തി​റ്റാ​ണ്ടു​ക​ളാ​യി പ​റ​യു​ന്നു​ണ്ടെ​ങ്കി​ലും ഇ​തു​വ​രെ ന​ട​പ​ടി​യൊ​ന്നും ആ​യി​ട്ടി​ല്ല. മു​ൻ ജി​ല്ലാ ക​ള​ക്ട​ർ കേ​ശ​വേ​ന്ദ്ര​കു​മാ​ർ കോ​ള​നി സ​ന്ദ​ർ​ശി​ച്ച് കു​ടും​ബ​ങ്ങ​ളെ മാ​റ്റി​പ്പാ​ർ​പ്പി​ക്കു​ന്ന​തി​ന് ന​ട​പ​ടി​ക​ൾ ആ​രം​ഭി​ച്ചു​വെ​ങ്കി​ലും ഇ​ദ്ദേ​ഹം സ്ഥ​ലം മാ​റി​പ്പോ​യ​തോ​ടെ പി​ന്നീ​ട് ന​ട​പ​ടി​ക​ളൊ​ക്കെ മു​ട​ങ്ങി​യ സ്ഥി​തി​യാ​ണ്.

കോ​ള​നി​യു​ടെ അ​വ​സ്ഥ  മോ​ശ​മാ​യി​ട്ടും അ​ധി​കൃ​ത​ർ ത​ങ്ങ​ളെ നി​ര​ന്ത​രം അ​വ​ഗ​ണി​ക്കു​ക​യാ​ണെ​ന്ന് കോ​ള​നി​ക്കാ​ർ പ​റ​യു​ന്നു. കാ​ല​വ​ർ​ഷം ശ​ക്ത​മാ​കു​ന്ന​തി​ന് മു​ന്പ് മാ​റ്റി​പ്പാ​ർ​പ്പി​ക്കാ​നു​ള്ള ന​ട​പ​ടി എ​ടു​ക്ക​ണ​മെ​ന്നാ​ണ് കോ​ള​നി​ക്കാ​രു​ടെ ആ​വ​ശ്യം.