പ്രശസ്ത ചലച്ചിത്ര താരവും മിമിക്രി കലാകാരനുമായ കലാഭവൻ ഹനീഫ് (63) അന്തരിച്ചു. നിരവധി ചിത്രങ്ങളിൽ കോമഡി വേഷം ചെയ്ത ഹനീഫ് പ്രേക്ഷക മനസിൽ ഇടം നേടിയ താരമാണ്. നൂറ്റി അൻപതിലധികം ചിത്രങ്ങളിൽ അഭിനയിച്ചിട്ടുണ്ട്.
1990 ൽ ചെപ്പു കിലുക്കണ ചങ്ങാതി എന്ന ചിത്രത്തലൂടെയാണ് ഹനീഫ് സിനിമയിലേക്ക് അരങ്ങേറ്റം കുറിച്ചത്. ഏതാനും ദിവസങ്ങളായി ശ്വാസകോശ അണുബാധയെ തുടര്‍ന്ന് ചികിത്സയില്‍ ആയിരുന്നു അദ്ദേഹം.
എറണാകുളത്തെ സ്വകാര്യ ആശുപത്രിയില്‍ വച്ചായിരുന്നു അന്ത്യം. കോമഡി താരമായിട്ടാണ് സിനിമയിൽ എത്തിയത്. കലാഭവൻ മിമിക്സിൽ അംഗമായിരുന്നു.
